82 جاستاعى نۇرعالي نٷسٸپجانوۆ ٷيلەندٸ. جەلٸدە ەسترادا جۇلدىزىنىڭ ٷيلەنۋ تويىنان سۋرەتتەر مەن بەينەجازبالار تاراپ كەتتٸ دەپ جازادى "ۇلت اقپارات".
نۇرعالي نٷسٸپجانوۆتىڭ تاڭداۋى بەلگٸلٸ جۋرناليست جادىرا سەيدەشكە تٷسكەن. مۇنى تويدا بولعان قازاقستاننىڭ ەڭبەك سٸڭٸرگەن ەرتٸسٸ مەرۋەرت ٶتەكەشوۆا راستادى.
"نۇرعالي نٷسٸپجانوۆ پەن جادىرا سەيدەشتٸڭ ٷيلەنگەنٸ راس. توي كەشە الماتىدا ٶتتٸ. وعان مەن دە قاتىستىم. توي ٶتە كەرەمەت ٶتتٸ. نۇرعالي نٷسٸپجانوۆتىڭ ەڭ جاقىن دوستارى بولدى. ونىڭ ٸشٸندە مەن دە بارمىن. ولارعا تەك قانا زور دەنساۋلىق, باقىت تٸلەيمٸن", - دەدٸ ول.
نۇرعالي نٷسٸپجانوۆتىڭ تاڭداعان جارى – جادىرا سەيدەش 1982 جىلى دٷنيەگە كەلگەن. ول ۇلتتىق ارنا, قازاق راديوسى, كتك ارناسىندا كٶپ جىل جۋرناليست, تەلەجٷرگٸزۋشٸ بولىپ ٸستەگەن. 2015 جىلى "جٷرەكجاردى" اۆتورلىق باعدارلاماسى ٷشٸن "سەرپەر" جاستار سىيلىعىنىڭ لاۋرەاتى اتاندى.
ٷيلەنۋ تويىندا جادىرا سەيدەش قۇداي قوسقان قوساعىنا جٷرەكجاردى تٸلەگٸن جەتكٸزدٸ. ۆيدەوسىن ەلەۋمەتتٸك جەلٸدە تەلەجٷرگٸزۋشٸنٸڭ بۇرىنعى ەرٸپتەستەرٸنٸڭ بٸرٸ جارييالاعان.
"مەن سٸزدٸڭ جان دٷنيەڭٸزدٸڭ تازالىعىن سىيلادىم. سوندىقتان ەندٸ ەش ۋاقىتتا اۋىرىپ, مەن قورقىتپاڭىزشى. سٷرٸنبەڭٸزشٸ, قۇلاماڭىزشى, اسقار تاۋىم دەپ تاڭدادىم عوي. مەنٸڭ اسقار تاۋىم بولىپ, جامبىل جەكەمنٸڭ جاسىنان اسىڭىز. مەن سوعان قىزمەت ەتەمٸن دەپ كەلدٸم. ەندٸ, سٸزدٸڭ ٶمٸرٸڭٸز وسى تورتتاي تەتتٸ ٶمٸر بولسىن", - دەدٸ قالىڭدىق نۇرعالي نٷسٸپجانوۆتىڭ قولىنان ۇستاپ تۇرىپ.
سونداي-اق جادىرا حالىق ەرتٸسٸنە ۇرپاق سىيلاعىسى كەلەتٸنٸن دە ايتتى.
"ەدەمٸ جاسىڭىزدا ەكە اتانساڭىز, ونىڭ نەسٸ ايىپ? جاقسى ادامنىڭ ارتىنان ۇرپاق قالۋى كەرەك. اللادان سٸزدٸڭ قولىڭىزدان ۇستاپ تۇرىپ, بٸر عانا تٸلەك تٸلەيمٸن. كٸشكەنتاي عانا نۇرعاليۇلى بٸزدٸڭ شاڭىراعىمىزدى شاتتىققا كەنەلتٸپ, ٶمٸرگە كەلەتٸن سول سەبيدٸڭ تٸلەگٸمەن كٷن كەشەيٸكشٸ. قاشان دا مەن سٸزدٸ ارقا تۇتىپ, سٸز مەنٸ مەدەۋ ەتٸڭٸز", - دەپ سٶزٸن اياقتادى ول.
نۇرعالي نٷسٸپجانوۆ 1937 جىلى 5 قاڭتاردا تالدىقورعان وبلىسىنىڭ گۆاردييا اۋدانىنداعى كٷرەڭبەلدٸڭ (التىنەمەل) جانىنداعى دولانالى اۋىلىندا تۋعان. ول - قازاقستاننىڭ حالىق ەرتٸسٸ. قازاقستاننىڭ مەملەكەتتٸك سىيلىعىنىڭ لاۋرەاتى. پاراسات, قۇرمەت وردەندەرٸنٸڭ يەگەرٸ.
اشىق دەرەككٶزدەگٸ اقپاراتقا سٷيەنسەك, نۇرعالي نٷسٸپجانوۆتىڭ بٸرٸنشٸ ەيەلٸنٸڭ ەسٸمٸ – ايگٷل. ولار بيبٸگٷل, الما, داريعا, نۇرگٷل, نۇرزار اتتى بەس بالا تەربيەلەپ ٶسٸرگەن.
