شىمكەنتتە قازا تاپقان 21 جاستاعى نۇراي سەرٸكبايدىڭ ٶلٸمٸنە قاتىستى قىلمىستىق ٸس بويىنشا سوت پروتسەسٸ 21 شٸلدەدە باستالادى. بۇل تۋرالى جەبٸرلەنۋشٸ تاراپتىڭ ادۆوكاتى ايانحان وماروۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, ٸس بويىنشا الدىن الا سوت تىڭداۋى 2026 جىلعى 21 شٸلدە كٷنٸ ساعات 10:00-دە شىمكەنت قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ٶتەدٸ.
جەبٸرلەنۋشٸ تاراپتىڭ مٷددەسٸن ادۆوكاتتار ايانحان وماروۆ پەن مۇحاممەدجان احمەتوۆ قورعايدى. بۇعان دەيٸن نۇراي سەرٸكبايدىڭ وتباسى سوت پروتسەسٸن قوعامعا اشىق ٶتكٸزٸپ, تٸكەلەي ەفيردە كٶرسەتۋدٸ تالاپ ەتكەن بولاتىن.
ەسكە سالايىق, 2026 جىلعى 11 قاڭتاردا شىمكەنت قالاسىندا 21 جاستاعى نۇراي سەرٸكبايدى تانىسى پىشاقتاپ, وقيعا ورنىنان بوي تاسالاعان. كٷدٸكتٸ ەكٸ كٷننەن كەيٸن ۇستالدى.
قازٸرگٸ ۋاقىتتا وعان قازاقستان رەسپۋبليكاسى قىلمىستىق كودەكسٸنٸڭ بٸرنەشە بابى بويىنشا ايىپ تاعىلىپ وتىر. اتاپ ايتقاندا, 125-1-باپ – «نەكەگە تۇرۋعا مەجبٷرلەۋ», 115-1-باپ – «ستالكينگ» جەنە 99-باپتىڭ 2-بٶلٸگٸ 5-تارماعى – «اسا قاتىگەزدٸكپەن ادام ٶلتٸرۋ».
