Shymkentte qaza tapqan 21 jastaǵy Nurai Serikbaidyń ólimine qatysty qylmystyq is boiynsha sot protsesi 21 shildede bastalady. Bul týraly jábirlenýshi taraptyń advokaty Aianhan Omarov málimdedi, dep habarlaidy ult.kz.
Onyń aitýynsha, is boiynsha aldyn ala sot tyńdaýy 2026 jylǵy 21 shilde kúni saǵat 10:00-de Shymkent qalasynyń qylmystyq ister jónindegi mamandandyrylǵan aýdanaralyq sotynda ótedi.
Jábirlenýshi taraptyń múddesin advokattar Aianhan Omarov pen Muhammedjan Ahmetov qorǵaidy. Buǵan deiin Nurai Serikbaidyń otbasy sot protsesin qoǵamǵa ashyq ótkizip, tikelei efirde kórsetýdi talap etken bolatyn.
Eske salaiyq, 2026 jylǵy 11 qańtarda Shymkent qalasynda 21 jastaǵy Nurai Serikbaidy tanysy pyshaqtap, oqiǵa ornynan boi tasalaǵan. Kúdikti eki kúnnen keiin ustaldy.
Qazirgi ýaqytta oǵan Qazaqstan Respýblikasy Qylmystyq kodeksiniń birneshe baby boiynsha aiyp taǵylyp otyr. Atap aitqanda, 125-1-bap – «Nekege turýǵa májbúrleý», 115-1-bap – «Stalking» jáne 99-baptyń 2-bóligi 5-tarmaǵy – «Asa qatygezdikpen adam óltirý».
