شىمكەنتتە 21 جاستاعى نۇراي سەرٸكبايدىڭ ٶلٸمٸنە قاتىستى ٸس بويىنشا شەرحان ايماحاننىڭ قورعاۋشىلارى سوت ٷكٸمٸنە اپەللياتسييالىق شاعىم بەردٸ. بۇل اقپاراتتى مارقۇمنىڭ اعاسى سۇلتان سەرٸكباي مەن جەبٸرلەنۋشٸ تاراپتىڭ ادۆوكاتى ايانحان وماروۆ راستادى, دەپ حابارلايدى ult.kz.
ولاردىڭ ايتۋىنشا, شاعىمنىڭ تٷسكەنٸ تۋرالى حابارلاما 28 تامىزدا «سوت كابينەتٸ» ارقىلى كەلگەن. اپەللياتسييالىق سوت بٸرٸنشٸ ينستانتسييا ٷكٸمٸن ٶزگەرتۋگە نەمەسە كٷشٸن جويۋعا, سونداي-اق جەكەلەگەن ايىپتار بويىنشا شەشٸمدٸ قايتا قاراۋعا قۇقىلى.
ادۆوكاتتىڭ سٶزٸنشە, اپەللياتسييالىق تالقىلاۋ كەزٸندە قوسىمشا ساراپتامالار, سونىڭ ٸشٸندە سوت-پسيحياترييالىق ساراپتاما تاعايىندالۋى مٷمكٸن. بۇل مەسەلە ٸستٸ قايتا قاراۋ بارىسىندا شەشٸلەدٸ.
قازٸر جەبٸرلەنۋشٸ تاراپ اپەللياتسييالىق شاعىممەن تانىسىپ, وعان قارسىلىق دايىنداپ جاتىر. ٸس الداعى ۋاقىتتا اپەللياتسييالىق سوتتا قارالادى.
سونىمەن قاتار نۇراي سەرٸكبايدىڭ ٶلٸمٸنە دەيٸنگٸ وقيعالاردى تەرگەگەن بۇرىنعى تەرگەۋشٸ ەبٸلعازى ارتىقبايعا قاتىستى قىلمىستىق ٸس قوزعالعان. بۇل اقپاراتتى شىمكەنت قالاسىنىڭ پوليتسييا دەپارتامەنتٸ راستادى.
ارتىقباي بۇعان دەيٸن سوتتا كۋەگەر رەتٸندە جاۋاپ بەرٸپ, نۇرايدىڭ شەرحان ايماحانمەن ٶز ەركٸمەن بٸرگە بارعانىن جەنە ەشكٸمگە شاعىمى بولماعانىن ايتقان ەدٸ.
پوليتسييا بۇرىنعى تەرگەۋشٸگە قاتىستى ٸستٸڭ تەرگەلٸپ جاتقانىن حابارلادى. تەرگەۋ مٷددەسٸنە بايلانىستى ٶزگە مەلٸمەتتەر ەزٸرگە جارييالانبايدى.
