Shymkentte 21 jastaǵy Nurai Serikbaidyń ólimine qatysty is boiynsha Sherhan Aimahannyń qorǵaýshylary sot úkimine apelliatsiialyq shaǵym berdi. Bul aqparatty marqumnyń aǵasy Sultan Serikbai men jábirlenýshi taraptyń advokaty Aianhan Omarov rastady, dep habarlaidy ult.kz.
Olardyń aitýynsha, shaǵymnyń túskeni týraly habarlama 28 tamyzda «Sot kabineti» arqyly kelgen. Apelliatsiialyq sot birinshi instantsiia úkimin ózgertýge nemese kúshin joiýǵa, sondai-aq jekelegen aiyptar boiynsha sheshimdi qaita qaraýǵa quqyly.
Advokattyń sózinshe, apelliatsiialyq talqylaý kezinde qosymsha saraptamalar, sonyń ishinde sot-psihiatriialyq saraptama taǵaiyndalýy múmkin. Bul másele isti qaita qaraý barysynda sheshiledi.
Qazir jábirlenýshi tarap apelliatsiialyq shaǵymmen tanysyp, oǵan qarsylyq daiyndap jatyr. Is aldaǵy ýaqytta apelliatsiialyq sotta qaralady.
Sonymen qatar Nurai Serikbaidyń ólimine deiingi oqiǵalardy tergegen burynǵy tergeýshi Ábilǵazy Artyqbaiǵa qatysty qylmystyq is qozǵalǵan. Bul aqparatty Shymkent qalasynyń politsiia departamenti rastady.
Artyqbai buǵan deiin sotta kýáger retinde jaýap berip, Nuraidyń Sherhan Aimahanmen óz erkimen birge barǵanyn jáne eshkimge shaǵymy bolmaǵanyn aitqan edi.
Politsiia burynǵy tergeýshige qatysty istiń tergelip jatqanyn habarlady. Tergeý múddesine bailanysty ózge málimetter ázirge jariialanbaidy.
