قىتايمەن شەكاراداعى "نۇر جولى" كەدەن بەكەتٸنٸڭ بٸرقاتار لاۋازىمدى تۇلعاسى ۇستالدى, - دەپ حابارلايدى Tengrinews.kz تٸلشٸسٸ انتيكور باسپاسٶز قىزمەتٸنە سٸلتەمە جاساپ.
28 اقپاندا الماتى وبلىسى بويىنشا سىبايلاس جەمقورلىققا قارسى قىزمەت باس پروكۋراتۋرانىڭ ٸشكٸ تەرگەۋ دەپارتامەنتٸمەن بٸرلەسٸپ قىتايمەن شەكارادا "نۇر جولى" كەدەن بەكەتٸنٸڭ بٸرقاتار لاۋازىمدى تۇلعالارىنىڭ قىلمىستىق ەرەكەتٸنٸڭ جولىن كەستٸ.
"جٷرگٸزٸلگەن جەدەل بٸرٸكتٸرۋدٸڭ نەتيجەسٸندە قىلمىستىق ەرەكەتتٸ يميتاتسييالاعان قاداعالاۋ ورگانىنىڭ قىزمەتكەرٸنە جٷرگٸزٸلگەن تەكسەرۋ بويىنشا مەسەلەلەردٸ وڭ شەشكەنٸ ٷشٸن 50 مىڭ اقش دوللارى مٶلشەرٸندە پارا بەرۋ دەرەگٸ قۇجات تٷرٸندە رەسٸمدەلگەن.
اتالعان دەرەك بويىنشا "نۇر جولى" كەدەن بەكەتٸنٸڭ باسشىسى مەن ونىڭ ورىنباسارى ۇستالدى", - دەلٸنگەن حابارلامادا.
