تٶتەنشە جاعداي رەجيمٸنەن كەيٸن جۇمىسىن قاشان باستايتىنى ايقىندالاتىن ەلوردالىق بالاباقشالاردا كەزەكشٸ توپتاردىڭ رەجيم الگوريتمٸ بەكٸتٸلمەك, دەپ حابارلايدى قازاقپارات.
نۇر-سۇلتان قالالىق بٸلٸم باسقارماسىنىڭ باسشىسى شولپان قادىروۆانىڭ ايتۋىنشا, وسى جىلدىڭ 18 ناۋرىزىنان باستاپ ەلورداداعى مەكتەپكە دەيٸنگٸ بٸلٸم بەرۋ ۇيىمدارىنىڭ بەرٸ مەنشٸك نىسانىنا قاراماستان قىزمەتٸن توقتاتقان. جالپى استانادا 55 708 بالا بار ەرتٷرلٸ ٷلگٸدەگٸ 377 مەكتەپكە دەيٸنگٸ ۇيىم جۇمىس ٸستەيدٸ.
«بالاباقشا قىزمەتكەرلەرٸ مەن مەڭگەرۋشٸلەرٸنە ٶز قالاۋى بويىنشا اقىلى ەڭبەك دەمالىسى بەرٸلدٸ. مەنشٸك نىسانىنا قاراماستان بارلىق مەكتەپكە دەيٸنگٸ ۇيىم تٶتەنشە جاعداي كەزەڭٸندە مەملەكەتتٸك تاپسىرىس بويىنشا قارجىلاندىرۋمەن تولىق قامتاماسىز ەتٸلگەن. مەكتەپ جاسىنا جەتكەن بالالاردى بالاباقشادان شىعارۋ جىل سايىن 1 تامىزعا دەيٸن, سونداي-اق بالالاردى جاس ەرەكشەلٸكتەرٸنە بايلانىستى بٸر توپتان كەلەسٸ توپقا اۋىستىرۋ وسى جىلعى 1-31 تامىز ارالىعىندا جٷزەگە اسىرىلادى. سونىمەن قاتار, قازاقستاندا تٶتەنشە جاعداي رەجيمٸ مەن كارانتين ەنگٸزٸلۋٸنە بايلانىستى مەكتەپكە دەيٸنگٸ ۇيىمداردىڭ قىزمەتٸ تٶتەنشە جاعداي رەجيمٸ اياقتالعانعا دەيٸن توقتاتىلدى», - دەدٸ شولپان قادىروۆا بٷگٸن ٶتكەن باسپاسٶز مەسليحاتىندا.
باسقارما مەكتەپكە دەيٸنگٸ ۇيىمدارداعى بوساعان ورىندار مەن تٷلەكتەردٸڭ سانىنا مونيتورينگ جٷرگٸزٸپ وتىر. جيناقتاۋ مەرزٸمٸ تۋرالى شەشٸم تٶتەنشە جاعداي رەجيمٸ الىنعاننان كەيٸن قابىلدانادى.
«مەكتەپكە دەيٸنگٸ ۇيىمدار ٶز جۇمىسىن باستاۋ ٷشٸن دەنساۋلىق ساقتاۋ مينيسترلٸگٸ نىسانداردى پايدالانۋعا بەرۋ تەرتٸبٸ مەن ەرەجەلەرٸن ەزٸرلەۋدە. بۇل قۇجاتتا نىسانداردا سانيتارلىق-دەزينفەكتسييالىق رەجيمدٸ ساقتاۋ نورمالارى, سونداي-اق مەكتەپكە دەيٸنگٸ بالالار ۇيىمدارىنىڭ كەزەكشٸ توپتارىنىڭ رەجيم الگوريتمٸ كٶرسەتٸلەدٸ. بالاباقشالاردىڭ ناقتى قاي ۋاقىتتا جۇمىسىن باستايتىنى تٶتەنشە جاعداي اياقتالعاننان كەيٸن بەلگٸلٸ بولادى», - دەيدٸ ول.
