نۇر-سۇلتانداعى دەمحانالاردىڭ بٸرٸندە بولعان جارىلىستا كٷيٸپ قالعان 3 ادام جانساقتاۋ بٶلٸمٸندە جاتىر, دەپ حابارلايدى "ۇلت اقپارات" قالالىق قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸنە سٸلتەمە جاساپ.
«گاز باللوندارىنىڭ جارىلۋىنان جاراقات العان 23 ادام №1 جەنە №2 كٶپبەيٸندٸ قالالىق اۋرۋحاناعا جاتقىزىلدى. زارداپ شەككەن تاعى 11 ادام جەڭٸل جاراقات العان. ولار امبۋلاتورلى ەمدەۋگە جٸبەرٸلدٸ» دەدٸ باسقارمانىڭ باسپاسٶز قىزمەتٸنەن.
پاتسيەنتتەردٸڭ كٶبٸ تٷرلٸ دەرەجەدەگٸ تەرمييالىق كٷيٸكپەن جەتكٸزٸلگەن. كەيبٸرٸ ورتا دەرەجەدە گازبەن ۋلانعان.
بٸر پاتسيەنت جامباس سٷيەگٸنٸڭ جابىق سىنىعىمەن تراۆماتولوگييا بٶلٸمشەسٸندە جاتىر. قالعاندارى - №1 قالالىق اۋرۋحانانىڭ كومبۋستيولوگييا بٶلٸمشەسٸندە.
«دەنساۋلىق جاعدايى ورتاشا, اسقىنۋ بايقالمايدى. 3 ادام جانساقتاۋ بٶلٸمٸندە جاتىر» دەلٸنگەن حابارلامادا.
