نۇر-سۇلتاندا ٷستٸنە مەتالل قۇرىلىم قۇلاپ, قازا تاپقان ەيەلدٸڭ بالالارى قازاقستاندىقتارعا ٷندەۋ جاسادى, - دەپ حابارلايدى Tengrinews.kz تٸلشٸسٸ.
"بٸز انامىزدان ايىرىلدىق. ونىڭ اتى-جٶنٸ احمەتجانوۆا گاۋحار سەكەنقىزى. ول 56 جاستا ەدٸ. ەڭ جاقىن ادامنان - انادان ايىرىلۋ قانداي ەكەنٸن سٶزبەن ايتىپ سيپاتتاۋ مٷمكٸن ەمەس. انام ٸنٸم ەكەۋمٸزدٸ تەربيەلەپ, ٶسٸرۋ ٷشٸن ەكٸ جەردە جۇمىس ٸستەدٸ. سابىرلى, سالماقتى, مەيٸرٸمدٸ ەدٸ. انام قازاق باس سەۋلەت-قۇرىلىس اكادەميياسىن بٸتٸرگەن, 1986 جىلعى جەلتوقسان وقيعاسىنا قاتىسقان, قازاقستان سەۋلەتشٸلەر وداعىنىڭ مٷشەسٸ بولعان. ول ەلوردانىڭ تۇرعىن ٷي كەشەندەرٸ مەن قۇرىلىمدارىنىڭ جوبالىق جەنە جۇمىس جوبالارىن ەزٸرلەۋمەن اينالىسقان", - دەيدٸ مارقۇمنىڭ قىزى جۇلدىز تۇرسىنبەكوۆا.
مارقۇمعا بەس وتا جاسالعان. 2021 جىلى 14 جەلتوقساندا گاۋحار احمەتجانوۆا قايتىس بولدى. نۇر-سۇلتان قالاسىنىڭ پوليتسييا دەپارتامەنتٸندە قك-نٸڭ 306-بابى "قاۋٸپسٸزدٸك تالاپتارىنا ساي كەلمەيتٸن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەردٸ كٶرسەتۋ" بويىنشا قىلمىستىق ٸس قوزعالدى.
"انامنىڭ ٶمٸرٸ ٶرەسكەل زاڭبۇزۋشىلىقتارعا بايلانىستى ٷزٸلدٸ. ٸنٸم ەكەۋمٸز جالعىز قالدىق. كٸنەلٸلەر تٸپتٸ قوڭىراۋ دا شالمادى, كەم دەگەندە كەشٸرٸم سۇراۋعا كەلمەدٸ. ەكٸ ايعا جۋىق ٶمٸر ٷشٸن كٷرەس كٸنەلٸلەر تاراپىنان بەيجاي ٶتتٸ. بٸزگە كٶمەك كەرەك پە دەپ ەشكٸم سۇرامادى", - دەپ قورىتىندىلادى قىز.
ول ەلباسى نۇرسۇلتان نازارباەۆقا, قازاقستان پرەزيدەنتٸ قاسىم-جومارت توقاەۆقا, باس پروكۋرورعا, ٸشكٸ ٸستەر مينيسترٸنە, جوعارعى سوت تٶراعاسىنا قايعىلى جاعدايعا نازار اۋدارۋدى ٶتٸندٸ.
قىز نۇر-سۇلتان قالاسىنىڭ پوليتسييا دەپارتامەنتٸنەن اناسىنىڭ قازا بولۋ سەبەپتەرٸن تەرگەۋدە تاباندىلىق تانىتۋىن سۇرادى.
