نۇر-سۇلتان قالاسىندا اۋا رايىنىڭ قولايسىزدىعىنان ەۋە شارىن جەل ۇشىرىپ ەكەتتٸ, - دەپ حابارلايدى Tengrinews.kz اگەنتتٸگٸ قالالىق تجد باسپاسٶز قىزمەتٸنە سٸلتەمە جاساپ.
وقيعانى كۋەگەرلەر ۆيدەوعا تٷسٸرٸپ العان. Astanovka98 Telegram-ارناسى كادرلاردى بٶلٸستٸ.
قۇلاعان سەتتە شار سەبەتٸندە ەرەسەكتەرمەن قاتار بالالار دا بولعان. جەرگە تٷسكەن بويدا ەۋە شارىن جەل الىپ كەتپەس ٷشٸن بٸرنەشە ادام ونى ۇستاپ قالۋعا ەرەكەت ەتەدٸ.
"قازا بولعاندار مەن زارداپ شەككەندەر جوق. 112 قىزمەتٸنە بۇل وقيعا بويىنشا ەشقانداي اقپارات تٷسكەن جوق", - دەدٸ دەپارتامەنتتٸڭ باسپاسٶز قىزمەتٸ.
ايتا كەتەيٸك, قالالىق تجد 6 شٸلدە كٷنٸ كٷن رايىنىڭ قولايسىز بولاتىنىن حابارلاعان بولاتىن. وسىعان وراي تٶتەنشە جاعدايلار قىزمەتٸ ازاماتتاردى اباي بولۋعا شاقىرادى.
