فوتو: Tengrinews.kz/تۇرار قازانعاپوۆ
نۇر-سۇلتانداعى ارنايى حقكو عيماراتى ماڭىندا رەسەيلٸك نٶمٸرمەن جٷرگەن كٶلٸك يەلەرٸ نارازىلىققا شىقتى. ولار ٸشكٸ ٸستەر مينيسترلٸگٸ تەكسەرۋلەرٸنە نارازى, - دەپ حابارلايدى Tengrinews.kz تٸلشٸسٸ.
ەلوردالىق ارنايى حقكو عيماراتىنا ساعات 13.00-دە جٷزگە جۋىق جٷرگٸزۋشٸ جينالعان. ولاردىڭ بەرٸ - رەسەيدە تٸركەلگەن كٶلٸك يەلەرٸ. الايدا ولاردىڭ كٶبٸ كٶلٸگٸن قازاقستاندا ساتىپ العان.
"مەن بٸر جىل بۇرىن كٶلٸك ساتىپ العانمىن. رەسەيلٸك, رٶلٸ وڭ جاقتا. تٸركەۋ كۋەلٸگٸن, ساقتاندىرۋدى وسى جاقتا جاساتتىم. بۇلاي بولارىن بٸلگەن جوقپىز. شەكارادان ٶتكٸزگەندە, رٶلٸ وڭ جاقتا ەكەنٸن كٶردٸ. كٶلٸكتٸڭ بەرٸن ايىپ تۇراعىنا الا بەرۋ شەشٸم ەمەس. كٶبٸنٸڭ نەسيەسٸ بار. ايىپ تۇراقتارىنىڭ قايسىن قاراماساڭىز, رەسەيلٸك كٶلٸكتەر تولىپ تۇر. نە ٸستەۋ كەرەگٸن بٸلمەيمٸز", - دەدٸ نارازىلققا شىققان جٷرگٸزۋشٸلەردٸڭ بٸرٸ.
ول Toyota Alphard كٶلٸگٸن 3,8 ميلليونعا ساتىپ العانىن ايتتى. قازاقستاندا وڭ جاق رٶلدٸ كٶلٸكتەر تٸركەۋگە جاتپايدى, سوندىقتان كٶلٸكتٸ بٶلشەكتەۋگە عانا ۇسىنۋعا بولادى.
ول بىلتىر رەسەيلٸك كٶلٸكتەردٸ جٷرگٸزۋگە تىيىم سالىنعانىن ەستٸگەنٸن مويىندادى. بٸراق سودان كەيٸن WhatsApp جەلٸسٸندە جٷرگٸزۋشٸلەرگە وڭ جاق رٶلدٸ كٶلٸكتەر شەكارادان ەش قيىندىقسىز ٶتەتٸنٸ, ياعني الاڭداۋدىڭ قاجەتٸ جوق ەكەنٸ ايتىلدى. كٶپ ادام سول حابارلاماعا سەنگەن, ٶيتكەنٸ ولار قولجەتٸمدٸ باعاعا ساپالى اۆتوكٶلٸك العىسى كەلەدٸ.
"مەن كٶلٸكتٸ بٸر جىل بۇرىن ساتىپ الدىم. بۇل مەنٸڭ جالعىز كٶلٸگٸم, نەگٸزگٸ تابىس كٶزٸم. بالالارىمدى مەكتەپكە اپارامىن", - دەپ شاعىمداندى استانالىق ارداق.
ول Honda كٶلٸگٸن 2 ميلليونعا ساتىپ العانىن, ونى تٸركەۋ ٷشٸن قايتا ٶڭدەۋ اقىسى 3 ميلليونعا جۋىقتايتىنىن ايتتى. مٷگەدەكتٸگٸ بار ەر ادامنىڭ ونداي اقشاسى جوق, كٶلٸكسٸز مٷلدە كٷن كٶرٸسسٸز قالادى.
"قازاقستاندا مۇنداي سوماعا كٶلٸك ساتىپ الۋ مٷمكٸن ەمەس. ەكٸ ميلليونعا ەسكٸ, 25 جىل قولدانىلعان كٶلٸكتٸ عانا ساتىپ الۋعا بولادى. مەن سالىق تٶلەۋدەن باس تارتپايمىن. بۇل كٶلٸك وتباسىمدى اسىراپ وتىرعان نەگٸزگٸ تابىس", - دەدٸ ارداق.
جارتى ساعاتتان كەيٸن نارازىلىق بٸلدٸرۋشٸلەر ەكٸمشٸلٸك پوليتسييا عيماراتى الدىنا بارعان. ولارعا نۇر-سۇلتان قالالىق ٸٸب ٶكٸلٸ, پوليتسييا پودپولكوۆنيگٸ ەلجان چۋبەكوۆ شىقتى.
"كٶلٸك باسقا مەملەكەتتە تٸركەلگەن بولسا, كەدەندٸك رەسٸمدەۋدەن ٶتۋ كەرەك. مەملەكەتتٸك باج سالىعىن تٶلەڭٸز. ەركٸمنٸڭ جاعدايى ەرتٷرلٸ. سول جاق رٶلدٸ كٶلٸكتەر بٸزگە تٸركەلە الادى, ال وڭ جاق رٶلدٸ كٶلٸكتەر ٶكٸنٸشكە قاراي, جوق", - دەدٸ چۋبەكوۆ.
ەكٸ ساعاتقا جۋىق ۋاقىتقا سوزىلعان جيىننان كەيٸن تۇرعىندار قايتادان كٶشەگە شىقتى.
