ەلوردا پوليتسەيلەرٸ ويىنشىق تاپانشامەن لومبارد توناعان كٷدٸكتٸنٸ ۇستادى, دەپ حابارلايدى "ۇلت اقپارات" قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
وقيعا كەشە بولعان. «102» پۋلتٸنە استانا لومباردتارىنىڭ بٸرٸنەن كاسسير حابارلاسىپ, بەلگٸسٸز ەر ادام تاپانشا كەزەنٸپ, 200 مىڭ تەڭگەنٸ توناپ كەتكەنٸ تۋرالى ايتقان.
كاسسيردٸڭ بەرگەن مەلٸمەتٸ بويىنشا, كٷندٸزگٸ ساعات 12.00-دە مەديتسينالىق ماسكا كيگەن ەر ادام تەرەزەدەن تاپانشا كەزەنٸپ, تسەللوفان دورباعا كاسساداعى اقشانىڭ بەرٸن سالۋدى سىبىرلاپ بۇيىرعان. بۇيرىق ورىندالماسا, تاپانشامەن اتىپ تاستايتىنىن ايتىپ, قورقىتقان. كاسسير ايتقانىن ورىنداپ, كاسساداعى بار اقشانى توناۋشى ۇسىنعان دورباعا سالىپ بەرگەن.
«وقيعا ورنىنا جەدەل پوليتسييا جاساعى كەلٸپ, كٷدٸكتٸنٸڭ بەلگٸلەرٸن انىقتادى. جەدەل باسقارۋ ورتالىعىنىڭ وپەراتورلارى بەينەكامەرالاردى سٷزگٸدەن ٶتكٸزٸپ, كٷدٸكتٸگە ۇقساس ەر ادامنىڭ ٸزٸنە تٷستٸ. كادردان ونىڭ اسىعىس جٷرٸپ بارا جاتىپ, بەلگٸسٸز زاتتى بايقاتپاي لاقتىرعانى ايقىن كٶرٸنەدٸ. ول تاستاعان بەلگٸسٸز زات – ويىنشىق تاپانشانى باسقا بٸر جٷرگٸنشٸ تاۋىپ العان. كٷدٸكتٸ ساۋدا ٷيٸنٸڭ تۇراعىندا ۇستالدى. ول قالا ماڭىنداعى كەنتتٸڭ 28 جاستاعى تۇرعىنى بولىپ شىقتى», - دەپ حابارلايدى پوليتسييا دەپارتامەنتٸنٸڭ باسپاسٶز قىزمەتٸ.
كٷدٸكتٸ ٶز كٸنەسٸن مويىندادى. قازٸر ۋاقىتشا ۇستاۋ يزولياتورىنا قاماۋدا وتىر. اتالعان وقيعا ٸزٸمەن «قاراقشىلىق» بابى بويىنشا قىلمىستىق ٸس قوزعالدى.
