16 قاڭتاردا ەلورداداعى تۇرعىن ٷي كەشەنٸنٸڭ بٸرٸندە كٸسٸ ٶلتٸرۋ وقيعاسى بولدى, دەپ حابارلايدى "ۇلت اقپارات" نۇر-سۇلتان قالاسىنىڭ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
پەتەرلەردٸڭ بٸرٸندە تۋىستار اراسىندا جانجال بولىپ, كٷيەۋٸ ەيەلٸنە پىشاق سۇققان. سودان كەيٸن ونىڭ ەپكەسٸنە دە بٸرنەشە جاراقات سالعان. قايىن ەپكەسٸ پەتەردەن قاشىپ شىعىپ, كٶرشٸلەرٸن كٶمەككە شاقىرىپ ٷلگەرگەن. كٶرشٸلەرٸ پوليتسيياعا قوڭىراۋ شالعان. بۇل ۋاقىتتا ەر ادام پەتەردٸڭ ەسٸگٸن جاۋىپ العان. پوليتسييا قىزمەتكەرلەرٸ ەسٸكتٸ بۇزىپ كٸرگەندە 46 جاستاعى ەيەل مەن ونىڭ جۇبايىنىڭ مەيٸتٸن تاپقان. ەر ادام ٶزٸن دە پىشاقتاپ تاستاعانى بەلگٸلٸ بولدى.
اتالعان فاكتٸ بويىنشا قىلمىستىق ٸس قوزعالىپ, تەرگەۋ امالدارى جٷرگٸزٸلۋدە.
