نۇر-سۇلتاندا بەس جىلدان بەرٸ باسپاناسىن كٷتٸپ جٷرگەن 600-گە جۋىق ٷلەسكەر بيىل جاڭا پەتەرگە قونىستانادى.
بۇل جايىندا قالا ەكٸمٸ التاي كٶلگٸنوۆ Instagram پاراقشاسىندا مەلٸم ەتتٸ.
«باسپانا كٶكتال» كٶپپەتەرلٸ تۇرعىن ٷي كەشەنٸ بٸرنەشە جەر ۋچاسكەسٸندە ورنالاسقان. ول 13 ٷيدەن تۇرادى. ونىڭ بٸرەۋٸ عانا اياقتالدى. بەس جىل بۇرىن قالعان 12 ٷي قۇرىلىسى ۇزاققا سوزىلعان نىسان رەتٸندە تانىلدى. ولاردىڭ ەرقايسىندا شەشٸلمەگەن, پروبلەمالىق مەسەلەلەر بولدى: شاتىردان سۋ كەتۋ, قاسبەتتٸڭ, تەرەزەلەردٸڭ, ەسٸكتەردٸڭ, ليفت شاحتالارىنىڭ بولماۋى. جارىق, جىلۋ, سۋ مەن كەرٸز جٷيەلەرٸ دە ينجەنەرلٸك جەلٸلەرگە قوسىلمادى. ٷلەسكەرلەرمەن بٸرنەشە رەت كەزدەسٸپ, جوسپارلى قۇرىلىس كەستەسٸن قۇردىق» دەپ جازدى شاھار باسشىسى.
ونىڭ سٶزٸنە سەنسەك, بۇل ٷيدە 600-گە جۋىق وتباسى پەتەرٸن كٷتٸپ جٷر. بۇرىنعى قۇرىلىسشى بٸرنەشە قاباتتى زاڭسىز سالىپ, ليفتٸ قاراستىرماعان. قۇرىلىس سالاسىنداعى قولدانىستاعى نورمالارعا سەيكەس عيمارات 6 قاباتتان اسسا, مٸندەتتٸ تٷردە ليفتٸمەن قامتاماسىز ەتٸلۋٸ تيٸس.
سونداي-اق, ٶرتكە قارسى ەۆاكۋاتسييالىق باسپالداقتار دا بولماعان.
«وسىعان بايلانىستى ليفتٸ مەن ەۆاكۋاتسييالىق باسپالداق ورناتۋ ٷشٸن بٶلٸمدەردٸ بٶلشەكتەۋ قاجەت بولدى. بارلىق اتالعان قۇرىلىس جۇمىستارى جٷرگٸزٸلٸپ جاتىر. تۇرعىن ٷي كەشەنٸن «ەلوردا قۇرىلىس كومپانيياسىنىڭ» قاتىسۋىمەن «نۇرلى جەر» باعدارلاماسى اياسىندا سالىپ جاتىرمىز. قۇرىلىس قارقىنىن كٷشەيتٸپ, ٷيلەردٸ جىل سوڭىنا دەيٸن اياقتاۋدى تاپسىردىم. اۋماقتى اباتتاندىرۋ كٶكتەمگە جوسپارلانعان» دەيدٸ التاي كٶلگٸنوۆ.
