نۇر-سۇلتاندا 800-دەن استام وتباسى اپاتتى ٷيلەردەن جاڭا باسپاناعا كٶشٸرٸلەدٸ. سونىمەن بٸرگە 50-دەن استام كٶپپەتەرلٸ تۇرعىن ٷيگە جٶندەۋ جۇمىستارى جٷرگٸزٸلەدٸ, دەپ حابارلايدى "ۇلت اقپارات".
ەلوردا ەكٸمدٸگٸنەن مەلٸم ەتكەندەي, اپاتتى ٷيلەردٸڭ كەيبٸرٸ 90 جىل بۇرىن سالىنعان.
قالا ەكٸمٸ التاي كٶلگٸنوۆ ەسكٸ ٷيلەردٸ ارالاپ, تۇرعىندارمەن ەڭگٸمەلەستٸ.
سارىارقا اۋدانى, بەسشاتىر كٶشەسٸ, 8-ٷيدٸڭ تۇرعىندارى بىلتىرعى كٷزدە ەلوردا ەكٸمٸمەن كەزدەسكەننەن كەيٸن اۋداندا بٸرقاتار مەسەلەلەر شەشٸلگەنٸن ايتتى. اسفالت تٶسەلٸپ, كەرٸز جٷيەسٸ قالپىنا كەلتٸرٸلدٸ.
«ٷي كٶز الدىمىزدا بۇزىلىپ جاتىر. قىستا كٶپپەتەرلٸ ٷيدٸ كٶمٸرمەن جىلىتامىز. ٷي سۋىق», - دەيدٸ تۇرعىندار.
«قالادا 125 اپاتتى ٷي بار. سٸزدٸڭ اۋداندا بىلتىر بولىپ, وسى جىلى سٷرٸلەتٸن ٷيلەردٸڭ قاتارىنا قوستىق. وسى ٷيدٸڭ بارلىق وتباسىلارى جاڭا جىلدى جاڭا باسپانادا قارسى الادى. بيىل 800-دەن استام وتباسىن جاڭا ٷيلەرگە كٶشٸرەمٸز», - دەدٸ التاي كٶلگٸنوۆ.
التىنسارين كٶشەسٸندە سٷرٸلەتٸن تاعى بٸر ٷيدٸڭ سالىنعانىن 90 جىل بولعان. سونداي-اق, دەل جانىنا تەمٸرجولدار تٶسەلگەن باراك تيپتەس ٷيلەر بۇزىلادى. «ۆاگون رەلستەن شىعىپ, ٷيٸمٸزگە جاقىن جەرگە قۇلاعان جاعدايلار بولدى. بالالاردى دالاعا جٸبەرۋگە قورقامىز», - دەيدٸ تۇرعىندار.
سونىمەن قاتار, تۇرعىن ٷي-كوممۋنالدىق شارۋاشىلىعىن جاڭعىرتۋ باعدارلاماسى اياسىندا ەلوردادا 50-دەن استام كٶپپەتەرلٸ تۇرعىن ٷي كەشەنٸ جٶندەۋدەن ٶتەدٸ.
«تۇرعىن ٷي سالۋ — ماڭىزدى باعىتتاردىڭ بٸرٸ. ەگەر 800-دەن استام وتباسى اپاتتى ٷيلەردەن جاڭا ٷيلەرگە كٶشەتٸن بولسا, بيىل كەزەكتە تۇرعاندار ٷشٸن 8 مىڭنان استام ەلەۋمەتتٸك پەتەر سالىنادى. بٸراق بٸراز جىل بۇرىن عانا سالىنعان ٷيلەر بويىنشا دا سۇراقتار بار. ولاردىڭ پليتكالارى قۇلاپ, فۋندامەنتتەرٸ وتىرىپ جاتىر. مىسالى, «ينفينيتي», «تەرريتورييا كومفورتا-2», «وربيتا», «7 بوچەك» جەنە تاعى باسقا تۇرعىن ٷي كەشەندەرٸ. بۇل ٷيلەرمەن دە اينالىسامىز. مەملەكەت كٷردەلٸ جٶندەۋ جۇمىستارىن جٷرگٸزۋگە قاراجات بٶلەدٸ, سودان كەيٸن بۇل قاراجات تۇرعىندار اراسىندا 15 جىلعا دەيٸنگٸ مەرزٸمگە بٶلٸنەدٸ», - دەدٸ قالا ەكٸمٸ التاي كٶلگٸنوۆ.
