كوللاج: Tengrinews.kz
ٶز ٶمٸرٸن قاتەرگە تٸگٸپ, كٸشكەنتاي قىزدى قۇتقارعان 36 جاستاعى سەبيت شونتاقباەۆ وقيعانىڭ مەن-جايىن ايتىپ بەردٸ, - دەپ حابارلايدى Tengrinews.kz تٸلشٸسٸ.
"مەن قىزىلوردادان جۇمىس ٸستەۋگە كەلگەنمٸن. قۇرىلىسشى بولىپ, ەرتٷرلٸ جۇمىس ٸستەيمٸن. بالالارىمدى باعۋىم كەرەك. بالالار قىزىلوردادا تۇرادى. ٷي جالداپ, وسىندا جۇمىس ٸستەيمٸن", - دەدٸ سەبيت شونتاقباەۆ Tengrinews.kz تٸلشٸسٸنە بەرگەن سۇحباتىندا.
ەر ادام جۇمىسقا اسىعىپ بارا جاتىپ, شىعار الدىندا سەگٸزٸنشٸ قاباتتا تەرەزەدەن اسىلىپ تۇرعان قىزدى كٶرگەنٸن ايتتى.
"مەن تەرەزەدەن ۇستانىپ, اسىلىپ تۇرعان بالانى كٶردٸم. جالعىز وي ونى قۇتقارۋ بولدى. سول سەتتە ٶزٸمدٸ ويلاي دا المادىم", - دەدٸ ول.
ەر ادام ەپتٸلٸگٸ مەن دەنە بٸتٸمٸ ەسكەري كارەراسىنا بايلانىستى ەكەنٸن تٷسٸندٸردٸ. بۇعان دەيٸن سەبيت شونتاقباەۆ شەكاراشى بولىپ جۇمىس ٸستەگەن.
"ەيەلٸم ۆيدەونى كٶرٸپتٸ, جارايسىڭ دەدٸ. قىزدىڭ اتا-اناسىن كٶرمەدٸم. جۇمىسقا اسىعىپ بارا جاتقانمىن, ونى قۇتقارىپ, جەتٸنشٸ قاباتتاعى كٶرشٸسٸنە تاپسىردىم. سوسىن جۇمىسقا كەتتٸم", - دەپ قوستى ول.
بۇعان دەيٸن نۇر-سۇلتاندا ەر ادام 8-قاباتتىڭ تەرەزەسٸنەن قۇلاعان قىزدى قاعىپ العانى حابارلانعان ەدٸ.
