Kollaj: Tengrinews.kz
Óz ómirin qaterge tigip, kishkentai qyzdy qutqarǵan 36 jastaǵy Sábit Shontaqbaev oqiǵanyń mán-jaiyn aityp berdi, - dep habarlaidy Tengrinews.kz tilshisi.
"Men Qyzylordadan jumys isteýge kelgenmin. Qurylysshy bolyp, ártúrli jumys isteimin. Balalarymdy baǵýym kerek. Balalar Qyzylordada turady. Úi jaldap, osynda jumys isteimin", - dedi Sábit Shontaqbaev Tengrinews.kz tilshisine bergen suhbatynda.
Er adam jumysqa asyǵyp bara jatyp, shyǵar aldynda segizinshi qabatta terezeden asylyp turǵan qyzdy kórgenin aitty.
"Men terezeden ustanyp, asylyp turǵan balany kórdim. Jalǵyz oi ony qutqarý boldy. Sol sátte ózimdi oilai da almadym", - dedi ol.
Er adam eptiligi men dene bitimi áskeri karerasyna bailanysty ekenin túsindirdi. Buǵan deiin Sábit Shontaqbaev shekarashy bolyp jumys istegen.
"Áielim videony kóripti, jaraisyń dedi. Qyzdyń ata-anasyn kórmedim. Jumysqa asyǵyp bara jatqanmyn, ony qutqaryp, jetinshi qabattaǵy kórshisine tapsyrdym. Sosyn jumysqa kettim", - dep qosty ol.
Buǵan deiin Nur-Sultanda er adam 8-qabattyń terezesinen qulaǵan qyzdy qaǵyp alǵany habarlanǵan edi.
