نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ٷي كارانتينٸندە جاتقان تۇرعىندار تۋرالى ايتىپ بەردٸ, دەپ حابارلايدى قازاقپارات.
«كوروناۆيرۋس ينفەكتسيياسى بويىنشا №9 قالالىق ەمحانادا نۇر-سۇلتان قالاسىنىڭ مەديتسينالىق ۇيىمدارىنىڭ 24 قىزمەتكەرٸنەن موبيلدٸ توپ قۇرىلدى. ولار كوروناۆيرۋس ينفەكتسيياسى بويىنشا ەپيدەميولوگييالىق جاعدايى قولايسىز دەپ تانىلعان ەلدەردەن (1ب, 2, 3 ساناتتار) كەلٸپ, ٷي كارانتينٸنە جاتقىزىلعان تۇرعىندارعا كٷن سايىن حابارلاسادى», - دەدٸ باسقارما باسشىسى قالا ەكٸمدٸگٸندە ٶتكەن ونلاين بريفينگٸدە.
2020 جىلدىڭ 20 اقپانىنان باستاپ, 14 408 ادام ٷي كارانتينٸندە جاتتى. ولار ەر 14 كٷن سايىن باس مەملەكەتتٸك سانيتارلىق دەرٸگەردٸڭ قاۋلىسىنا سەيكەس, كارانتيننەن شىعارىلىپ وتىرعان.
قازٸرگٸ ۋاقىتتا ٷي كارانتينٸندە 213 ادام جاتىر.
بۇعان دەيٸن باسقارما باسشىسى نۇر-سۇلتاندا كورناۆيرۋس جۇقتىرعانداردىڭ باسىم بٶلٸگٸ 30-49 جاس ارالىعىندا ەكەنٸن مەلٸمدەگەن ەدٸ.
نۇر-سۇلتان قالاسى بويىنشا تٸركەلگەن بارلىق 25 جاعداي بويىنشا جاقىن بايلانىستا بولعان 244 ادام نۇر-سۇلتان مەن ٶزگە ٶڭٸرلەردەگٸ اۋرۋحانالارعا جاتقىزىلدى.
سونىمەن بٸرگە, الداعى ەكٸ اپتادا ەلوردا تۇرعىندارىنا كوروناۆيرۋس ينفەكتسيياسىنا قاتىستى ەكسپرەسس تەستٸلەۋ جٷرگٸزٸلەدٸ.
ەسكە سالا كەتسەك, قازاقستاندا قازٸر كوروناۆيرۋس ينفەكتسيياسىن جۇقتىرعاندار سانى 49 ادامعا جەتتٸ. الماتىدا – 22 ادام, قاراعاندى قالاسىندا - 2 ادام, نۇر-سۇلتاندا - 25 ادام تٸركەلگەن.
