نۇر-سۇلتاندا 34 جاستاعى قالا تۇرعىنى ەكٸ جاسار نەرەستەدەن "سامسۋنگ ا-21" ۇيالى تەلەفونىن تارتىپ الدى. بالانىڭ اناسى پوليتسيياعا ارىزداندى.
ەلوردا پوليتسييا دەپارتامەنتٸنٸڭ مەلٸمەتٸنشە, قىزدىڭ اناسى قوناقٷيدە ەكٸمشٸ بولىپ جۇمىس ٸستەيدٸ, دەپ حابارلادى Sputnik.
قىلمىس جاسالعان كٷنٸ ەيەل جۇمىس ورنىندا كٸشكەنتاي بالاسىمەن بولعان. ول قىزىنا سمارتفونىن بەرٸپ, ەكٸنشٸ قاباتقا كٶتەرٸلگەن. وقيعا بەينەباقىلاۋ كامەراسىنىڭ وبەكتيۆٸنە تٷسٸپ قالدى.
ۆيدەوعا قاراعاندا, قىز باسپالداقپەن كٶتەرٸلٸپ بارا جاتقاندا ەيەلدٸ كەزدەستٸرگەن. ول بالانىڭ قولىنداعى تەلەفوندى كٶرٸپ, ونى الىپ كەتكەن.
پوليتسەيلەر جەدەل-ٸزدەستٸرۋ شارالارىن جٷرگٸزٸپ, قىلمىسقا قوناقٷيدٸڭ بۇرىنعى كليەنتٸنٸڭ قاتىسى بار ەكەنٸن انىقتادى.
"بٸرنەشە ساعات ٸشٸندە ەيەل ۇستالىپ, پوليتسيياعا جەتكٸزٸلدٸ. ول بۇرىن سوتتالعان 34 جاستاعى قالا تۇرعىنى بولىپ شىقتى", - دەپ حابارلادى ەلوردا پوليتسييا دەپارتامەنتٸ.
كٷدٸكتٸ كٸنەسٸن مويىندادى, ۇرلانعان تەلەفون يەسٸنە قايتارىلدى. "توناۋ" بابى بويىنشا سوتقا دەيٸنگٸ تەرگەۋ باستالدى.
قازاقستاننىڭ قىلمىستىق كودەكسٸنە سەيكەس, مۇنداي ٸس-ەرەكەتكە 2 مىڭ اەك-كە دەيٸن (6 ميلليون تەڭگەگە جۋىق) ايىپپۇل سالۋ نە سول مٶلشەردە تٷزەۋ جۇمىستارىنا, نە 1000 ساعاتقا دەيٸن قوعامدىق جۇمىستارعا تارتۋ نەمەسە 4 جىلعا دەيٸن باس بوستاندىعىن شەكتەۋ نەمەسە سول مەرزٸمگە باس بوستاندىعىنان ايىرۋ جازاسى قاراستىرىلعان.
نۇر-سۇلتان پوليتسييا دەپارتامەنتٸ ازاماتتاردان كٸشكەنتاي بالالاردى قاراۋسىز قالدىرماۋدى سۇرايدى.
