نۇر-سۇلتان قالاسى ەكٸمٸنٸڭ ورىنباسارى اسقار امرين قىزمەتٸنەن كەتتٸ. ول بۇل تۋرالى ٶزٸنٸڭ جەلٸدەگٸ پاراقشاسىندا جازدى, دەپ حابارلايدى قازاقپارات.
«بٷگٸن – مەنٸڭ نۇر-سۇلتان قالاسى ەكٸمٸنٸڭ ورىنباسارى رەتٸندەگٸ سوڭعى جۇمىس كٷنٸم. 5 جىل 4 اي – از ۋاقىت ەمەس, بۇل مەنٸڭ ٶمٸرٸم مەن مانسابىمداعى ماڭىزدى كەزەڭ. بٸرٸنشٸ كەزەكتە ەلوردا تۇرعىندارىنا جەنە قىزمەت بابىمەن ازاماتتاردى قابىلداۋدا, قالانى ارالاۋلاردا, حالىقتىڭ اراسىندا, «جانۇيا» ورتالىعىندا, وبەكتٸلەردە بٸرگە جۇمىس جاساعان, تٸلدەسكەن, مەسەلەلەردٸ شەشٸسكەن بارشا جانعا العىسىمدى ايتامىن. بۇل – باعا جەتپەس ٶمٸرلٸك تەجٸريبە.
مەن ەكونوميكا جەنە قۇقىق قورعاۋ ورگاندارى مەسەلەلەرٸنە, سونىمەن قاتار ٷلەستٸك قۇرىلىستىڭ پروبلەمالى وبەكتٸلەرٸنٸڭ قارجىلاندىرىلۋىن قامتاماسىز ەتۋ مەسەلەلەرٸنە جەتەكشٸلٸك ەتتٸم. پروبلەمالى وبەكت ٷلەسكەرلەرٸنە ايتپاعىم: بٸز سٸزدەرمەن بٸرگە ٷلكەن جۇمىس اتقاردىق: وبەكتٸلەردٸڭ كٶپشٸلٸگٸ تاپسىرىلدى, ٷلەسكەرلەر ٶز كٸلەتتەرٸن الدى, بەلگٸلٸ بٸر ۋاقىتتى قاجەت ەتەتٸن قۇجاتتاردى رەسٸمدەۋ ٸستەرٸ عانا قالىپ وتىر. ەقك ەرٸ قاراي دا پروبلەمالى وبەكتٸلەردٸ اياقتاۋ بويىنشا ٶز جۇمىسىن جالعاستىرادى جەنە جەنە سٸزدەر دە كٶپتەن كٷتكەن ٷيلەرٸڭٸزگە قول جەتكٸزەسٸزدەر!» - دەپ جازدى اسقار امرين.
سونىمەن قاتار ول مەملەكەتتٸك قىزمەت ٶزەكتٸلٸگٸن جوعالتۋدا ەكەنٸنە توقتالدى.
«مەملەكەتتٸك قىزمەت – بۇل ٷلكەن ەڭبەك. مىسالى, اۋداندىق ينسپەكتور كٷندەلٸكتٸ ٶز اۋدانىن ارالاپ, بٸر قاراعاندا كٶزگە بايقالا بەرمەيتٸن كٷردەلٸ جۇمىس اتقارادى. بەلكٸم ٶزگەرۋٸمٸز قاجەت شىعار, اشىعىراق بولىپ, تەۋلٸك بويى اتقارىپ جٷرگەن جۇمىستى كٶبٸرەك جارييالاۋ كەرەك شىعار, تەك پوپۋليزمنەن اۋلاق بولىڭىزدار. سٸزگە جەنە وتباسىلارىڭىزعا شىدامدىلىق, دەنساۋلىق جەنە اماندىق تٸلەيمٸن»,- دەپ تولىقتىردى جازباسىن.
