اقمولا وبلىسىنىڭ تسەلينوگراد اۋدانى اۋماعىندا جول-كٶلٸك وقيعاسى بولىپ, 7 ادام زارداپ شەكتٸ. ونىڭ ەكەۋٸ — بالا, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, جول اپاتى ناۋرىزدىڭ 23-ٸندە نۇرا اۋىلىنان 10 شاقىرىم جەردە, ياعني «نۇر-سۇلتان-قابانباي باتىر» اۆتوجولىنىڭ 48 شاقىرىمىندا ورىن العان. بۇل تۋرالى سول كٷنٸ ساعات 10:05 تسەلينوگراد اۋداندىق پب كەزەكشٸ بٶلٸمٸنە جەدەل جەردەم فەلدشەرٸ حابارلاپ ايتقان.
«وقيعا ورنىنا جەتكەن تەرتٸپ ساقشىلارى انىقتاعانداي, نۇر-سۇلتان قالاسى باعىتىندا جٷرٸپ بارا جاتقان قاراعاندى وبلىسىنىڭ 36 جاستاعى تۇرعىنى «گازەل» كٶلٸگٸمەن جولدىڭ قارسى باعىتىنا شىعىپ كەتٸپ, 44 جاستاعى استانالىق باسقارعان «Lada Largus» كٶلٸگٸمەن سوقتىعىسقان. سالدارىنان جەڭٸل كٶلٸكتٸڭ جٷرگٸزۋشٸسٸ مەن جولاۋشىلارى (بارلىعى 7 ادام, ونىڭ ەكەۋٸ بالا) زارداپ شەگٸپ, نۇر-سۇلتان قالاسىنىڭ №2 قالالىق اۋرۋحاناسىنا جەتكٸزٸلدٸ», - دەدٸ ۆەدومستۆودان.
قازٸرگٸ كەزدە, وسىعان بايلانىستى قىلمىستىق كودەكستٸڭ 345 بابى بويىنشا ٸس قوزعالىپ, سوتقا دەيٸنگٸ تەرگەۋ امالدارى جٷرگٸزٸلۋدە.
