نۇر-مٷباراك ەگيپەت يسلام مەدەنيەتٸ ۋنيۆەرسيتەتٸنٸڭ پرورەكتورى, يسلامتانۋ عىلىمى بويىنشا PhD دوكتور, دوتسەنت قايرات قۇرمانباەۆ پەن نۇر-مٷباراك ۋنيۆەرسيتەتٸنٸڭ PhD دوكتورانتى, «يسلامتانۋ» كافەدراسىنىڭ وقىتۋشىسى نۇرجان ستامباكيەۆتىڭ بٸرلەسٸپ جازعان «ناماز وقىمايتىن ادام – كەپٸر» دەيتٸندەرگە جاۋاپ» اتتى كٸتابى جارىق كٶردٸ, دەپ حابارلايدى "ۇلت اقپارات" وقۋ ورنىنىڭ باسپاسٶز قىزمەتٸنە سٸلتەمە جاساپ.
اۆتورلاردىڭ جاڭا تۋىندىسى قر اقپارات جەنە قوعامدىق دامۋ مينيسترلٸگٸ دٸن ٸستەرٸ كوميتەتٸ تاراپىنان جٷرگٸزٸلگەن دٸنتانۋ ساراپتاماسىنىڭ تالاپتارىنان ٶتٸپ, قمدب-نىڭ ساراپتاۋ كوميسسيياسىنان وڭ باعاسىن الدى.
كٸتاپ قوعامدا پٸكٸرتالاس تۋدىرعان دٸني مەسەلەلەردٸڭ بٸرٸ – ناماز وقىمايتىن ادامنىڭ ٷكٸمٸ تالقىلانادى. تاقىرىپقا قاتىستى ەھلۋ سۋننا عىلىمدارىنىڭ ۇستانىمى باسقا كٶزقاراستارمەن سالىستىرىلا وتىرىپ, تەولوگييالىق, دٸني-قۇقىقتىق تۇرعىدا زەرتتەلەدٸ.
قايرات قۇرمانباەۆ: «پٸكٸر پليۋراليزمٸ پەندەنٸڭ پەشەنەسٸندە بار, تابيعاتىنا تەن قۇبىلىس. كەڭٸستٸك پەن ۋاقىت, قوعام مەن تۇلعا, شاريعات پەن زاڭ, تٷسٸنٸك پەن قۇندىلىقتار ٶزگەرۋگە بەيٸم. سوندىقتان قاي كەزدە بولماسىن دٸني كٶزقاراستار مەن دٸني تٷسٸنٸك الۋاندىلىعىنىڭ تۋىنداۋى زاڭدى. الايدا ەر تٷرلٸ كٶزقاراستا بولۋ (يحتيلاف) تالاس-تارتىسقا, جانجالعا (حيلاف) ۇلاسسا, قوعام تۇراقتىلىعىنا سىزات تٷسٸرەدٸ. ال تۇراقتىلىق پەن بەيبٸت ٶمٸر – باعا جەتپەس بايلىق ەرٸ ٷلكەن نىعمەت. وسى ورايدا قوعامدا كەيبٸر دٸن ۇستانۋشىلار تاراپىنان تۋىندايتىن قاتەردٸڭ الدىن الۋ, شەتٸن توپ ٶكٸلدەرٸن وڭالتۋ جۇمىستارىنا ٷلەس قوسۋ ماقساتىندا, ورتادا دٸني الاۋىزدىققا سەبەپ بولىپ جٷرگەن نەگٸزگٸ تاقىرىپتارعا جەكە-جەكە ارنايى شاعىن ەڭبەك جازۋدى قولعا الدىق. سونىڭ العاشقىسى – «ناماز وقىمايتىن ادام – كەپٸر» دەيتٸندەرگە جاۋاپ.
ناماز وقىمايتىن ادامدى كٷپٸرلٸكپەن ايىپتايتىن, تٸپتٸ اتا-اناسى مەن ٶزٸنٸڭ تۋعاندارىن ناماز وقىماعانى ٷشٸن جات كٶرٸپ جٷرگەندەر وسى كٸتاپ ارقىلى اقيقاتتى تٷسٸنٸپ جاتسا, ماقساتىمىز ورىندالعانى», – دەپ كٸتاپ تۋرالى پٸكٸرٸن بٸلدٸردٸ.
ۋنيۆەرسيتەت پرورەكتورىنىڭ سٶزٸنە سٷيەنسەك, جۋىردا دەراديكاليزاتسييا باعىتىنداعى ٶزەكتٸ تاقىرىپتارعا ارنالعان كەلەسٸ كٸتاپتار جارىق كٶرەدٸ.
دٸني مەسەلەردٸڭ 1-شٸ سەريياسىمەن وقىرمانعا ۇسىنىلعان «ناماز وقىمايتىن ادام – كەپٸر» دەيتٸندەرگە جاۋاپ» اتتى ەڭبەكتٸڭ ەرەكشەلٸگٸ – كٸتاپ ەكٸ تٸلدە بٸر مۇقابادا (قازاق تٸلٸندە 74 بەت, ورىس تٸلٸندە 74 بەت) جازىلعان. جالپى العاندا تۋىندى 148 بەتتەن تۇرادى.
نۇر-مٷباراك باسپاسىنان شىققان ەنبەك يسلامتانۋشىلارعا, دٸنتانۋشىلارعا, دەراديكاليزاتسييا باعىتىنداعى مامانداندارعا ارنالعان.
جاڭا كٸتاپتى وقۋ ٷشٸن 8 (701)-677-75-77 نٶمٸرٸنە حابارلاسىپ, تاپسىرىس بەرۋگە بولادى.
