فوتو: lada.kz
ماڭعىستاۋ وبلىسىندا اۋا رايىنىڭ كٷرت بۇزىلۋى اۋىر سالدارعا ەكەلدٸ. نٶسەر جاۋىننان كەيٸن جٷزدەن استام جىلقى قىرىلىپ, تۇرعىندار دابىل قاعۋدا, حابارلايدى Ult.kz Lada.kz باسىلىمىنا سٸلتەمە جاساپ.
ماڭعىستاۋ وبلىسىندا تولاسسىز جاۋعان جاڭبىر سالدارىنان جىلقىلار جاپپاي قىرىلدى. تابيعي اپاتتىڭ سالدارى ەسٸرەسە اقشىمىراۋ اۋىلى ماڭىندا ايقىن بايقالعان.
جەرگٸلٸكتٸ تۇرعىنداردىڭ ايتۋىنشا, نٶسەردەن كەيٸن مالدى سۋ اعىزىپ ەكەتٸپ, سورتاڭدى, باتپاقتى ايماقتارعا تٷسٸرگەن. سونىڭ سالدارىنان كٶپتەگەن جىلقى تۇزدى باتپاققا باتىپ ٶلگەن, ال كەيبٸرٸ ەلٸ كٷنگە دەيٸن شىعا الماي جاتىر.
ەلەۋمەتتٸك جەلٸلەردە تاراعان مەلٸمەتتەرگە سەيكەس, ەر شاڭىراق بٸرنەشە باستان ون باسقا دەيٸن مالىنان ايىرىلعان. تۇرعىندار تٶتەنشە جاعدايلار قىزمەتٸ مەن جەرگٸلٸكتٸ بيلٸكتٸڭ شۇعىل ەرەكەت ەتپەسە, جاعداي ودان ەرٸ ۋشىعۋى مٷمكٸن ەكەنٸن ايتادى.
وسىعان بايلانىستى ولار مەسەلەنٸ زاڭ شىعارۋشىلار مەن جانۋارلاردى قورعاۋ ۇيىمدارىنىڭ نازارىن اۋدارۋدى سۇراپ وتىر.
ماڭعىستاۋ اۋدانى ەكٸمدٸگٸنٸڭ حابارلاۋىنشا, جاعدايدى باعالاۋ ٷشٸن ارنايى كوميسسييا قۇرىلعان. الدىن الا دەرەك بويىنشا, 100-دەن استام جىلقى قىرىلعانى انىقتالعان. دەگەنمەن ناقتى شىعىن كٶلەمٸ ەلٸ ناقتىلانىپ جاتىر, سەبەبٸ مال يەلەرٸ تٷلٸكتٸ تولىق ەسەپتەپ ٷلگەرمەگەن.
مامانداردىڭ بولجامىنشا, اپاتقا ەكپٸندٸ جەل مەن نٶسەر جاۋىن سەبەپ بولعان. باعدارىنان جاڭىلعان جىلقىلار الىس, جەتۋٸ قيىن اۋماقتارعا كٸرٸپ كەتٸپ, باتپاقتا قالىپ قويعان. كەيبٸر ٷيٸرلەر ەلدٸ مەكەندەردەن 60–80 شاقىرىم قاشىقتىقتا تابىلعان.
قازٸرگٸ ۋاقىتتا سالداردى جويۋ جۇمىستارى جٷرٸپ جاتىر. ايماققا تٶتەنشە جاعدايلار قىزمەتٸ, جەرگٸلٸكتٸ اتقارۋشى ورگاندار جەنە ٸرٸ كەسٸپورىنداردىڭ تەحنيكاسى جۇمىلدىرىلعان. سۋدى سورۋ جەنە قالپىنا كەلتٸرۋ شارالارى كٷشەيتٸلگەن رەجيمدە جٷرگٸزٸلۋدە.
