سەنبٸ كٷنٸ اپاتقا ۇشىراعان «ۆيكينگ سكاي» كرۋيز لاينەرٸ مولدە ايلاعىنا كەلٸپ جەتتٸ, دەپ حابارلايدى قازاقپارات.
كەمە ەكيپاجىنىڭ مٷشەلەرٸ داۋىل كەزٸندە اياق استىنان ٸستەن شىققان كەمە قوزعالتقىشىن ٶز كٷشٸمەن جٶندەۋدٸ بٸر سەتكە دە توقتاتقان جوق. سٶيتٸپ ولار قوزعالتقىشتى ٸشٸنارا وتالدىرىپ, بۋكسير كاتەرلەرٸنٸڭ كٶمەگٸمەن مولدە جاعالاۋىنا جەتٸپ جىعىلدى.
ەسكە سالا كەتەيٸك, ەۆاكۋاتسييا جۇمىستارى تٷنٸ بويى جالعاستى. تولقىن دەڭگەيٸ ٷش قاباتتى ٷيدٸڭ بيٸكتٸگٸمەن بٸردەي بولدى. كرۋيز لاينەرٸنٸڭ جولاۋشىلارىن تٸكۇشاقپەن تاسىمالداۋعا تۋرا كەلدٸ. تٶتەنشە جاعداي كەزٸندە كٶپ ادامنىڭ بويىن قورقىنىش بيلەپ, بۇرىن مۇنداي جاعدايدى كٶرمەگەندٸكتەن قاتتى ٷرەيلەنگەندەرٸن جاسىرا المادى.
نەتيجەسٸندە 463 ادام ەۋە تاسىمالى ارقىلى جاعالاۋعا جەتكٸزٸلدٸ. نەگٸزٸ كەمە بورتىندا ەكيپاجدى قوسقاندا بارلىعى 1373 جولاۋشى بولاتىن.
سونىمەن قاتار, ەكيپاج مٷشەلەرٸ اراسىندا قازاقستاننىڭ ەكٸ ازاماتشاسى بار بولىپ شىقتى. بۇل اقپاراتتى قازاقستاننىڭ نورۆەگيياداعى ەلشٸلٸگٸ دە راستادى. ەلشٸلٸكتٸڭ مەلٸمەتٸنشە, بۇل مەسەلە بٸزدٸڭ ديپلوماتييالىق ميسسييانىڭ ەرەكشە باقىلاۋىندا.
«ۆيكينگ سكاي» بورتىنداعى بٸزدٸڭ ەكٸ ازاماتشا وقىس وقيعادان كەيٸن ٷيرەنشٸكتٸ رەجٸمدە جۇمىسىن جالعاستىرعان. ولار بٸزدەن كٶمەك سۇراعان جوق», - دەدٸ ەلٸمٸزدٸڭ وسلوداعى كونسۋلى ازات مەتەنوۆ.
ونىڭ سٶزٸنشە, ديپلوماتتار وقيعا تۋرالى ەستي سالىسىمەن بٸردەن جەرگٸلٸكتٸ بيلٸك ٶكٸلدەرٸنە حابارلاسقان.
قازٸرگٸ ۋاقىتتا الاڭدايتىن ەشتەڭە جوق. «ۆيكينگ سكاي» جولاۋشىلارى مەن ەكيپاجى جەرگٸلٸكتٸ قوناق ٷيگە جەتكٸزٸلگەن. ول جەردە بارلىعىنا تيٸستٸ كٶمەك كٶرسەتٸلەدٸ.
