ورتالىق كوممۋنيكاتسييالار قىزمەتٸندە ٶتكەن بريفينگٸدە ماڭعىستاۋ وبلىسىنىڭ ەكٸمٸ نۇرلان نوعاەۆ ٶڭٸردە اشىلعان قانت زاۋىتى نەگە جۇمىس ٸستەمەي تۇرعانىن ايتتى, دەپ حابارلايدى قازاقپارات.
«ەندٸ بۇل - جەكە كەسٸپكەردٸڭ اتقارىپ وتىرعان ٸسٸ. ٶزٸڭٸز بٸلەسٸز, قانداي دا بٸر شارۋانى اتقارۋ ٷشٸن بەرٸن جان-جاقتى ٷيلەستٸرۋ كەرەك. بٸزدٸڭ تابيعي ەرەكشەلٸكتەرٸمٸز قىزىلشا ەگۋگە كەلمەيدٸ. بٸراق بٸز وعان جوق دەمەدٸك. سول كەسٸپكەر ٶزٸ قانت شىعارۋعا سىرتتان شيكٸزات ەكەلەتٸنٸن ايتىپ, نيەت تانىتتى. بٸز ٶز تاراپىمىزدان قولداۋ كٶرسەتتٸك. بيزنەستٸ قولداۋ شارالارىنىڭ اياسىندا قارجىلىق, ەكٸمشٸلٸك كٶمەك بەردٸك. ٶزٸم دە ينۆەستورمەن بٸرنەشە رەت كەزدەستٸم. دەگەنمەن قازٸرگٸ تاڭدا ٸس جٷرمەي تۇر. بۇل – بيزنەس. باستاعان ٸسٸڭ جوسپارلاعانداي جٷرٸپ كەتسە, قۇبا-قۇپ. ٶكٸنٸشكە قاراي, وبەكتيۆتٸ, سۋبەكتيۆتٸ سەبەپتەر بار», - دەدٸ نۇرلان نوعاەۆ.
سونداي-اق, ول جاڭاٶزەندە بارلانعان مۇنايدىڭ قازٸرگٸ قورى قوسىمشا زاۋىت اشۋعا مٷمكٸندٸك بەرمەيتٸنٸن باسا ايتتى.
«بەرٸنٸڭ تالاپ ەتٸپ وتىرعانى بٸر زاۋىت اشسا, جۇمىسسىزداردىڭ بەرٸ سول جەرگە كٸرەدٸ عوي دەگەنگە سايادى. كەي كەزدەرٸ بۇل – مٷمكٸن ەمەس شارۋا. مامانداردىڭ ايتۋى بويىنشا, جەراستى ٸزدەستٸرۋ جۇمىستارىنا ينۆەستيتسييا سالىنباسا, جاڭاٶزەن كەن ورنىنىڭ قورى 25-30 جىلعا جەتەتٸنٸن ايتىپ وتىر», - دەدٸ ەكٸم.
ەسكە سالساق, كەشە قر مەجٸلٸس دەپۋتاتى ەدٸل جاڭبىرشين ٷكٸمەت باسشىسى ەليحان سمايىلوۆتىڭ اتىنا ماڭعىستاۋ وبلىسىنداعى ەڭبەكداۋلارى تۋرالى ساۋال جولدادعان ەدٸ.
