"رەسەي ۋكرايناعا قاتەر تٶندٸرٸپ تۇر دەيدٸ. بوس سٶز. ەشقانداي قاتەر جوق", – دەگەن پاترۋشەۆ, "ۋكراينالىقتاردىڭ ٶزٸ, سونىڭ ٸشٸندە رەسمي تۇلعالارى دا قاتەر جوق دەپ وتىرعانىن" اتاپ ٶتتٸ.
"جوق, امەريكانىڭ رەسمي ادامدارى قاتەر بار دەپ ەسەپتەيدٸ ەكەن, ولار ۋكرايناعا قارۋ بەرٸپ, ۋكراينانىڭ سوڭعى ازاماتى قالعانشا شايقاسۋعا دايىن ەكەن", – دەدٸ رەسەي قاۋٸپسٸزدٸك كەڭەسٸنٸڭ حاتشىسى.
ونىڭ سٶزٸنشە "سوعىسسا ەكٸ تاراپتىڭ قانشالىقتى زارداپ شەگەتٸنٸندە امەريكالىقتاردىڭ شارۋاسى جوق".
28 قاڭتاردا اقش مەملەكەت حاتشىسى ەنتوني بلينكەن مەسكەۋدٸ رەسەي مەن ۋكراينا جەنە باتىس اراسىنداعى ارازدىقتى ديپلوماتييالىق تەسٸلگە جٷگٸنٸپ توقتاتۋعا شاقىرعان.
27 قاڭتاردا ازاتتىققا بەرگەن سۇقباتىندا بلينكەن "ۆاشينگتون كرەملدٸڭ ۋكراينا جٶنٸندەگٸ تٷپكٸ ماقساتى مەن ەۋروپاداعى قاۋٸپسٸزدٸك قۇرىلىمىن قايتا جازۋدى نە سەبەپتەن تالاپ ەتٸپ وتىرعانىن ەلٸ كٷنگە بٸلمەيتٸنٸن ايتقان ەدٸ.
"كرەملدٸڭ نەنٸ قالايتىنىن بٸلەتٸن بٸر-اق ادام بار. ول - پرەزيدەنت پۋتين. بەلكٸم, دەل قازٸر ول دا بٸلمەۋٸ مٷمكٸن, ٶيتكەنٸ بۇل - ونىڭ بۇرىنعى تەسٸلٸ, - ول ەرٸ قاراي قالاي ەرەكەت ەتۋدٸڭ مەيلٸنشە الۋان تٷرلٸ نۇسقالارىن قاراستىرادى", - دەپ مەلٸمدەدٸ بلينكەن.
اقش-تىڭ جوعارى لاۋازىمدى ديپلوماتى قۇراما شتاتتار رەسەيدٸڭ ٶتكەن ايدا قويعان ۋلتيماتۋمىنا رەسمي تٷردە جاۋاپ بەرگەن كٷننٸڭ ەرتەڭٸنە سٶيلەپ وتىر.
ۋلتيماتۋمعا ۇقساس ەكٸ جوبا ۇسىنعان رەسەي ۋكراينامەن شەكاراسىنا 100 مىڭ ەسكەرٸن ەكەپ قويعان.
