ەلورداداعى «قازاقستان» ورتالىق كونتسەرت زالىندا اۆسترالييالىق ەيگٸلٸ موتيۆاتور, مەتسەنات نيك ۆۋيچيچ ترەنينگ ٶتكٸزدٸ, دەپ حابارلايدى قازاقپارات.
اياق-قولسىز كەمباعال تۋىپ, مىقتى كٷش-جٸگەرٸنٸڭ ارقاسىندا ەلەمگە تانىمال ادامداردىڭ قاتارىنا ەنگەن, 70 ەلدە وراتور رەتٸندە شەبەرلٸك ساعاتتارىن ٶتكٸزگەن ەيگٸلٸ نيك ۆۋيچيچتٸڭ تىڭدارماندارى ەلوردادا دا بارشىلىق ەكەن. «قازاقستان» كونتسەرت زالىنىڭ 3,5 مىڭ ورىندىق زالىنا ادام لىق تولدى. سولاردىڭ ورتاسىندا قالا ەكٸمٸ التاي كٶلگٸنوۆ تە بولدى.
«ەلەمگە تانىمال, الداعى 5 جىلىنىڭ ەر كٷنٸ جوسپارلانعان تانىمال موتيۆاتورلاردىڭ ەلورداعا كەلۋٸنە ىقپال ەتكەن ۇيىمداستىرۋشىلارعا العىس ايتقىم كەلەدٸ. بٷگٸنگٸ شەبەرلٸك-ساباعىنىڭ تاقىرىبى «جالقاۋلىققا جول جوق» دەگەن ماعىنادا الىنىپتى. وسى شارادان كەيٸن نۇر-سۇلتاندا جالقاۋلىقتان قورىقپايتىن ادامداردىڭ سانى 3,5 مىڭعا كٶبەيەدٸ دەگەن ٷمٸت بار. بٸزدٸڭ مەملەكەتتٸك قىزمەتشٸلەرگە دە وسىنداي موتيۆاتسييالىق شارالار قاجەت-اق», - دەدٸ كەش قوناعى نيك ۆۋيچيچتٸ ساحناعا شاقىرعان التاي كٶلگٸنوۆ.
اۆسترالييالىق شەشەن بٸردەن جۇمىسىنا كٸرٸستٸ.
«مەن كەلەسٸ جولى قازاقستانعا وتباسىممەن كەلسەم دەگەن وي تٷيدٸم. ەلەمنٸڭ 70 ەلٸندە بولعانىما قۋانامىن. زالدا مٷگەدەك ارباسىنا تاڭىلعان ادامداردىڭ بار ەكەنٸن كٶرٸپ تۇرمىن. بٸرەۋلەر تۋعاننان جارىمجان بولسا, بٸرەۋلەر اپاتقا ۇشىراپ, بٸرەۋلەر سىرقات سالدارىنان وسىنداي كٷيگە تٷسكەن شىعار. نەگٸزٸ تۋا مٷگەدەك بولۋدان اياق-قولىڭدى ورتا جولدا جوعالتۋ ەلدەقايدا اۋىر. بٸراق جەر بەتٸندەگٸ ادامنىڭ ەشقايسىسىنىڭ تٶرت قۇبىلاسى تەڭ ەمەس. مەنٸڭ اۋدارماشىم بولىپ تۇرعان ۆلاديميرگە قاراڭىزدارشى. بٸر قاراساڭىز اياق-قولى ساۋ, تٷرٸ-باسى مٸنسٸز بولىپ كٶرٸنۋٸ مٷمكٸن. كەيدە سىرتى بٷتٸن ادامنىڭ جان-دٷنيەسٸ كەمتار بولىپ جاتادى. سوندىقتان ٶز بولمىسىڭىزدى كەمشٸلٸك دەپ قابىلداماڭىز», - دەپ باستاعان وراتور بايلىق, مەيٸرٸم, ەدٸلدٸك تۋراسىندا وي قوزعادى.
«مەن العاش تۋعاندا دەرٸگەرلەر اتا-انامنان كەشٸرٸم سۇراپ, مەنٸڭ ەشقاشان جٷرە المايتىنىمدى ايتىپتى. كٶرٸپ وتىرسىزدار, مەن جٷرە الام. ياعني ادامنىڭ تاعدىرىنا تەك ٶزٸ عانا ٷكٸم ايتا الادى», - دەدٸ نيك ۆۋيچيچ.
زال تولى حالىقتى بٸر ساعاتتان استام ۋاقىت بويى جٸگەرلٸ سٶزٸمەن باۋراعان ەيگٸلٸ مەيماننىڭ توسىن ەرٸ تۋرا ايتىلعان سٶزدەرٸنە تىڭدارماندار قايتا-قايتا قول سوقتى. ولاردىڭ بٸر بٶلٸگٸ ەسەرلٸ سٶزدەردٸ ۇيالى تەلەفوندارىنىڭ كامەراسىنا جازىپ جاتسا, دايىندىقپەن كەلگەندەرٸ قويىن دەپتەرلەرٸنە قالاممەن تٷرتٸپ الىپ وتىردى.
نيك ۆۋيچيچ:
«مەن كٶپتەگەن بايلاردىڭ الدىندا سٶز سٶيلەپ, جٸگەر بەردٸم. سىرت كٶزگە ولاردىڭ مۇقتاجدىعى جوق بولىپ كٶرٸنەدٸ. بٸراق ولاردىڭ كٶبٸ باقىتقا مۇقتاج».
«سوڭعى رەت قاشان جاقىنىڭىزعا ونى جاقسى كٶرەتٸنٸڭٸزدٸ ايتتىڭىز? سوڭعى رەت قاشان جۇبايىڭىزدى كەشكٸ اسقا اپاردىڭىز? سوڭعى رەت قاشان اناڭىزعا گٷل سىيلادىڭىز? سوڭعى رەت قاشان ۇلىڭىزعا ونى ماقتان تۇتاتىنىڭىزدى ايتتىڭىز? ەگەر ەسٸڭٸزگە تٷسٸرە الماساڭىز, سونى بٷگٸن ٸستەڭٸز!».
«احۋال دەگەنٸمٸز – مٷمكٸندٸك. تاڭعاجايىپ بولا بٸل. ٶزٸڭٸزگە ەكٸنشٸ مٷمكٸندٸك بەرۋدەن تارتىنباڭىز. ەگەر ٸشەرگە اس تاپپاي قالساڭىز, ازىققا مۇقتاج تٸرٸ جان ەكەنٸڭٸزگە شٷكٸرشٸلٸك ەتٸڭٸز. ال اس تابىلعاندا وعان قولى جەتپەي جٷرگەندەردٸ ەسكە الىڭىز. ازداپ دەۋلەت پايدا بولسا, كەدەيلەردٸ ۇمىتىپ كەتپەڭٸز. ٶمٸر بٶلٸسۋمەن مەندٸ. ٶمٸر بٶلٸسۋدەن تۇرادى. سوندا ساراڭ باي دا, اشۋشاڭ كەدەي دە بولمايدى. ەيەلٸم ەكەۋٸمٸز 15 جەتٸم بالاعا دەمەۋشٸ بولىپ كەلەمٸز. ٶز بالالارىمىز ولارعا جىلى سٶزدەرمەن حات جازادى. وسى ارقىلى بٸز ولاردى ادامدىققا باۋلىپ جٷرمٸز».
«قازاقستان, ەشقاشان بەرٸلمەڭدەر! ەگەر سٸز مەملەكەتٸڭٸز جومارت بولعانىن قالاساڭىز, ٶزٸڭٸز دە ساراڭ بولماڭىز. قولىڭىزدا دەۋلەت بولماسا, پايدالى اقپاراتپەن, بٸلٸمٸڭٸزبەن, جاعىمدى ەموتسيياڭىزبەن بٶلٸسٸڭٸز. ەگەر سٸز ەدٸلدٸك ورناسىن دەسەڭٸز, ٶزٸڭٸزدٸ ەر جاعدايدا ەدٸل ۇستاڭىز. ماڭايىڭىزدا ادالدىق بولعانىن قالايسىز با, ٶزٸڭٸز سول ادالدىققا اينالىڭىز.
جاقىندارىڭىزدىڭ كەشٸرٸمدٸ بولعانىن قالايسىز با, كەشٸرٸمگە اينالىڭىز. ەلەم دە, حالىق تا, وتباسىڭىز دا بٸر سەتتە ٶزگەرمەيدٸ. بەرٸ ساتى-ساتىمەن, قادام-قاداممەن ورنىنا كەلەدٸ. تەك سول ٶزگەرٸستٸڭ بٶلشەگٸ بولۋعا اسىعىڭىز».
