ارگەنتينالىق اكتەر ريكاردو دارين Netflix-تٸڭ "مەڭگٸلٸك"سەريياسىندا / فوتو: BBC
Netflix ٶزٸنٸڭ العاشقى تەلەشوۋلارىنىڭ بٸرٸندە ەكراندا گەنەراتيۆتٸ جاساندى ينتەللەكت (AI) جاساعان ۆيزۋالدى ەففەكتٸلەردٸ العاش رەت قولدانعانىن مەلٸمدەدٸ, دەپ حابارلايدى Ult.kz.
كومپانييانىڭ تەڭ تٶراعاسى تەد ساراندوس ارگەنتينانىڭ "مەڭگٸلٸك" عىلىمي-فانتاستيكالىق سەريالىنداعى عيماراتتىڭ قۇلاۋ كٶرٸنٸسٸن جاساۋ ٷشٸن بەينەلەردٸ جاسايتىن جاساندى ينتەللەكت پايدالانىلعانىن ايتتى.
ول جاساندى ينتەللەكت تەحنولوگيياسىن ماقتاپ:
"فيلمدەر مەن تەلەشوۋلاردى ارزانىراق ەمەس, جاقسىراق ەتۋگە كٶمەكتەسەتٸن كەرەمەت مٷمكٸندٸك", - دەپ اتادى.
گەنەراتيۆتٸ جاساندى ينتەللەكتتٸ پايدالانۋعا ويىن-ساۋىق يندۋستريياسىندا كەرەعار پٸكٸرلەر ٶتە كٶپ, "ول ادامداردىڭ جۇمىسىن الماستىرادى" دەپ قورقاتىندار دا بار.
كومپانييا ٷش اي ٸشٸندە 11,08 ميلليارد اقش دوللارى (8,25 ميلليارد فۋنت ستەرلينگ) كٸرٸس تٷسكەنٸن جارييالاعاننان كەيٸن ماۋسىم ايىنىڭ سوڭىندا عانا Netflix باسشىلىعى تٷسٸنٸكتەمە بەردٸ. بۇل كٸرٸس ٶتكەن جىلدىڭ سەيكەس كەزەڭٸمەن سالىستىرعاندا 16% - عا ٶستٸ. Netflix -تٸڭ مۇنداي تابىسقا كەنەلۋٸنە وڭتٷستٸك كورەيانىڭ "كالمار ويىنى" تريللەرٸنٸڭ ٷشٸنشٸ جەنە سوڭعى ماۋسىمىنىڭ سەتتٸ شىعۋى ىقپال ەتتٸ. فيلمنٸڭ ارقاسىندا كٷتٸلگەننەن دە جوعارى كٶرسەتكٸشكە, ياعني وسى ۋاقىتقا دەيٸن 122 ميلليون قارالىم جيناعانىن كومپانييا مەلٸمدەگەن بولاتىن.
Netflix كومپانيياسىنىڭ AI قولدانۋ تۋرالى سۇراعىنا ساراندوس:
"بۇل تەحنولوگييا شاعىن بيۋدجەتٸ بار جوبالارعا وزىق ۆيزۋالدى ەففەكتٸلەردٸ پايدالانۋعا مٷمكٸندٸك بەردٸ", - دەپ جاۋاپ بەردٸ.
ونىڭ سٶزٸنشە "مەڭگٸلٸكتە" قولدانىلاتىن گەنەراتيۆتٸ AI تٷسٸرٸلٸم توبىنا دەستٷرلٸ ارنايى ەففەكت قۇرالدارىن قولدانعاننان گٶرٸ تٷسٸرٸلٸم رەتتٸلٸگٸن 10 ەسە جىلدام اياقتاۋعا كٶمەكتەستٸ.
"وسىنداي بيۋدجەتٸ بار شوۋ ٷشٸن شىعىنى ٶتە كٶپ بولار ەدٸ. بۇل رەتتٸلٸك شىن مەنٸندە Netflix تٷپنۇسقا سەريالىندا نەمەسە فيلمٸندە ەكراندا پايدا بولعان AI-نىڭ العاشقى فينالدى تٷسٸرٸلٸمٸ. سوندىقتان فيلم جاساۋشىلار نەتيجەگە قاتتى قۋاندى", - دەدٸ ول.
AI 2023 جىلى گولليۆۋدتاعى ەرەۋٸل كەزٸندە كٶتەرٸلگەن نەگٸزگٸ مەسەلەلەردٸڭ بٸرٸ بولدى. ٷش ايعا سوزىلعان ەرەۋٸلدە كينواكتەرلەر گيلديياسى مەن امەريكاندىق تەلەديدار جەنە راديو ەرتٸستەر فەدەراتسيياسىنىڭ كەسٸپوداعى جاساندى ينتەللەكتتٸ پايدالانۋدى رەتتەۋدٸ تالاپ ەتتٸ.
