«نەزٸر تٶرەقۇلوۆ» حالىقارالىق قورى, تٷركٸستانداعى تۇڭعىش ەلشٸ مۋزەيٸ جەنە «ەدەبيەت جەنە ٶنەر» قوعامدىق بٸرلەستٸكتٸڭ بٸرلەسكەن مەدەني باعدارلاماسىنىڭ اياسىندا وبلىس ورتالىعى تٷركٸستان قالاسىنان شىققان ساپارشىلار ٶزبەكستانعا, ياعني تاشكەنتكە, فەرعانا ايماعىنا, قوقان قالاسىنا جاساعان «نەزٸر جٷرگەن جول» اتتى تاريحي, تانىمدىق, عىلىمي ەكسپەديتسيياسىن ۇيىمداستىردى, دەپ حابارلايدى "ۇلت اقپارات".
ەكسكۋرسييانىڭ نەگٸزگٸ ماقساتى قازاققا دا, ٶزبەككە دە بٸردەي ورتاق تۇلعا, مەملەكەت جەنە قوعام قايراتكەرٸ نەزٸر تٶرەقۇلوۆتىڭ جاستىق شاعى, ازامات بولىپ قالىپتاسقان كەزٸندە تاشكەنتتە ورنالاسقان تٷركٸستان اۆتونومييالىق رەسپۋبليكاسىنىڭ باسشىسى بولعان نەزٸردٸڭ سول ٶلكەدەگٸ ٶمٸرٸنەن, قىزمەتٸنەن دەرەكتەر, ايعاقتار ٸزدەۋ بولاتىن. ساپار بارىسىندا ەكسپەديتسييا قۇرامى جاساعان تاشكەنت, قوقان ەكسپەديتسييالىق جولىندا ٶزدەرٸنٸڭ العا قويعان ماقساتتارىنا قول جەتكٸزدٸ.
ەكسپەديتسييا قۇرامىندا «نەزٸر تٶرەقۇلوۆ» حالىقارالىق قورىنىڭ پرەزيدەنتٸ, قازاقستاننىڭ ەڭبەك سٸڭٸرگەن قايراتكەرٸ, اكادەميك ەبدٸجاپار ساپارباەۆ, نەزٸرتانۋشى نۇرماحان نازاروۆ, قوردىڭ مٷشەلەرٸ نۇرلىبەك بالعابەكوۆ, ەۋەسحان ماڭعىتايۇلىلار بولدى. ەكسپەديتسييا مٷشەلەرٸ نەزٸردٸڭ قوقان قالاسىندا تۇرعان, وقىعان, قىزمەت جاساعان ورىندارىمەن, عيماراتتارىمەن تانىستى. وسى ساپاردا ەكسپەديتسييا قۇرامى قوقانداعى نەزٸر تٶرەقۇلوۆ كٶشەسٸنٸڭ تۇرعىندارىمەن كەزدەسٸپ, ەستەلٸككە سۋرەتكە تٷستٸ.
تاشكەنت قالاسىنداعى ۇلتتىق قازاق مەدەني ورتالىعى مەن نيزامي اتىنداعى ۇلتتىق پەداگوگيكالىق ۋنيۆەرسيتەتٸنٸڭ اباي مەدەني ورتالىعىندا بولىپ, قازاق-ٶزبەك پروفەسسور وقىتۋشىلار قۇرامى جەنە ستۋدەنتتەرٸمەن مازمۇندى كەزدەسۋ ٶتكٸزدٸ. كەزدەسۋدە «نەزٸر تٶرەقۇلوۆ» اتىنداعى حالىقارالىق قوردىڭ پرەزيدەنتٸ, ەكونوميكا عىلىمدارىنىڭ دوكتورى, پروفەسسور ەبدٸجاپار ساپارباەۆ قازاق پەن ٶزبەككە ورتاق تۇلعا, مەملەكەت جەنە قوعام قايراتكەرٸ نەزٸر تٶرەقۇلوۆ جايىندا تارتىمدى دا, مازمۇندى بايانداما جاسادى. وسى شارالاردىڭ بەرٸندە نەزٸردٸڭ تۋعان ٸنٸسٸ قادىردىڭ نەمەرە جيەنٸ, قوقان قالاسىنىڭ تۇرعىنى ەلييار تٶرەقۇلوۆ قارسى الىپ, الىستان ٸزدەپ كەلگەن اعايىندارعا ٸلتيپات تانىتىپ, قامقورلىق جاسادى.
كەزدەسۋدٸڭ قورىتىندى جيىنىندا تاشكەنتتەگٸ ۇلتتىق قازاق مەدەني ورتالىعىنىڭ تٶراعاسى حامزا حامراقۇلوۆ قاتىسىپ, ريزاشىلىعىن بٸلدٸردٸ.
