قر بٸلٸم جەنە عىلىم مينيسترٸ اسحات ايماعامبەتوۆ 2022 جىلى Nazarbayev University ٷلگٸسٸندەگٸ ۋنيۆەرسيتەتتەر قاي قالالاردا اشىلاتىنىن ايتىپ بەردٸ, دەپ حابارلايدى قازاقپارات.
«شىنىندا دا, بٸزدٸڭ الدىمىزدا وسىنداي مٸندەت تۇر. ەڭ الدىمەن, Nazarbayev University تيپٸ بويىنشا الدىڭعى قاتارلى ەكٸ جوعارى وقۋ ورنىن قۇرۋ. ەكٸنشٸسٸ – 20 اكادەمييالىق ارتىقشىلىق ورتالىقتارىن قۇرۋ. بۇل – ەلٸمٸزدٸڭ جوعارى بٸلٸم بەرۋ جٷيەسٸ ٷشٸن ٶتە ماڭىزدى جوبالار. اكادەمييالىق ارتىقشىلىق ورتالىقتارى بويىنشا جۇمىستار باستالدى. ورتالىقتار جۇمىس ٸستەپ تۇرعان جوو-لار بازاسىندا ولاردىڭ ەلەۋەتٸن, ماتەريالدىق-تەحنيكالىق بازاسىن نىعايتۋ, بٸلٸم بەرۋ باعدارلامالارىن جاقسارتۋ, پروفەسسورلىق-وقىتۋشىلىق قۇرامنىڭ بٸلٸكتٸلٸگٸن ارتتىرۋ ٷشٸن قۇرىلماق», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ال وزىق جوعارى وقۋ ورىندارىن اشۋعا شىمكەنت جەنە پەتروپاۆل قالالارى تاڭدالعان.
«الدىن الا ەكٸ ٶڭٸر انىقتالدى: شىمكەنت جەنە پەتروپاۆل قالالارى. قازٸر جوبالىق قۇجاتتامانى دايىنداپ جاتىرمىز. ەزٸرشە بۇل جوو-لار جۇمىس ٸستەپ تۇرعان ۋنيۆەرسيتەتتەردٸڭ جانىنان ەنشٸلەس ۇيىمدار رەتٸندە قۇرىلادى. بٸراق ولار زاڭدى تۇلعالار بولادى. بٸزدٸڭ پايىمداۋىمىزشا, ولاردى بٸردەي اكادەمييالىق دەستٷرٸ بار جوو رەتٸندە ەمەس, جەكە-جەكە زاڭدى تۇلعا, قىزمەتكەرلەر جيناۋ, مەدەنيەت پەن دەستٷرٸن قالىپتاستىرۋ ماڭىزدى. ولاردىڭ بٸلٸم بەرۋ باعدارلاماسىن حالىقارالىق سەرٸكتەستەرمەن Nazarbayev University ٷلگٸسٸندە قۇرۋدى جوسپارلاپ وتىرمىز. ارنايى كورپۋستار اشۋ جوسپارلانعان, وعان قاراجات بٶلەك بٶلٸنەدٸ. قازٸر ەكٸ ٶڭٸردٸڭ ەكٸمدٸكتەرٸ جەر تەلٸمدەرٸن بٶلۋ جۇمىستارىن جٷرگٸزۋدە. جالپى, وسى جوو-لار دايارلايتىن نەگٸزگٸ باعىتتاردى انىقتالىپ جاتىر. سوندىقتان, جالپى Nazarbayev University جۇمىسىنىڭ تەجٸريبەسٸ پايدالانىلادى», - دەدٸ اسحات ايماعامبەتوۆ.
مينيستردٸڭ ايتۋىنشا, ساپا Nazarbayev University تيپٸ بويىنشا بولادى. ول ٷشٸن شەتەلدٸك ەرٸپتەستەر تارتىلادى, حالىقارالىق باعدارلامالاردى اككرەديتتەۋ جٷرگٸزٸلەدٸ.
