نۇرسۇلتان نازارباەۆتىڭ سىنىنان كەيٸن استانادا سالىنىپ جاتقان تۇرعىن ٷي كەشەندەرٸ قايتا بويالا باستادى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
استاناداعى Highvill Park تۇرعىن ٷي كەشەنٸ قايتا بويالىپ جاتىر. ەسكە سالا كەتەيٸك, 21 مامىردا مەملەكەت باسشىسى EXPO-2017 حالىقارالىق كٶرمەسٸنە قاتىستى مەسەلەلەر بويىنشا ٶتكەن جيىندا وڭتٷستٸككورەيالىق ازاماتتىڭ سالعان سۇر تٷستٸ ٷيدٸڭ بەتكەيلەرٸنە قاتىستى سىن ايتقان ەدٸ. پرەزيدەنتتٸڭ ايتۋىنشا, ٷيدٸڭ بەتكەيلەرٸ اق, كٶك جەنە سارى تٷستەرگە بويالۋى كەرەك.
"وڭتٷستٸككورەيالىقتار جاقسى پەتەرلەر مەن ٷلكەن ٷيلەردٸ سالادى. بارلىعى سۇر تٷستٸ. تۇرعىن ٷي كەشەنٸ ەمەس, ٸٸم-نە ارنالعان عيمارات سيياقتى. اق تٷستٸ ٷيلەر دە بولۋى كەرەك قوي. مۇنىڭ نە قيىندىعى بار? ولار وسىندا ما? بٸز سٸزدەردٸ نەگە وسى جۇمىسقا تارتتىق, سەبەبٸ سٸزدەر جاقسى ٷيلەر سالاسىزدار. وعان العىس ايتامىن, بٸراق نەگە سٸزدەر سالعان ٷيدٸڭ بەتكەيلەردٸڭ تٷرٸ سالىنعان ٷيلەردەن جامان?", - دەگەن ەدٸ مەملەكەت باسشىسى 21 سەۋٸردە ٶتكەن جيىن بارىسىندا.
ايتا كەتەيٸك, "استانا ارەنا" ستاديونىنىڭ ماڭىندا سالىنىپ جاتقان Highvill Park ٷي بەتكەيلەرٸ اق, كٶك جەنە سارى تٷستەرگە بويالىپ جاتىر.
سونداي-اق, سارىارقا داڭعىلىنداعى ٷيلەر جاڭا تٷستەرگە بويالىپ جاتىر. سارى تٷستٸ بەس قاباتتى ٷي كٶك جەنە اق تٷستەرگە بويالدى.
ەستەرٸڭٸزگە سالا كەتەيٸك, وسىعان دەيٸن نۇرسۇلتان نازارباەۆ يسەكەشەۆتٸ استانا كٶشەلەرٸندەگٸ قۇرىلىس قوقىستارى ٷشٸن سٶككەن بولاتىن. "ٷيلەردٸ جاپپاي سالۋدا - تالاپ بارلىعىنا بٸردەي بولۋى تيٸس. كەيبٸر ٷي سالۋشىلار ٶز قوقىستارىن دا شىعارمايدى. قالانىڭ بارلىق جەرٸندە قوقىس, قارا (استانا ەكٸمٸ ەسەت يسەكەشەۆكە باعىتتاي سٶيلەدٸ - اۆت. سٶزٸ), قوقىس ورىندارى كٶپ بولىپ كەتكەن. ەدٸلبەك جاقسىبەكوۆتىڭ كەزٸندە مۇنداي مٷلدەم بولماعان. قارا, ەسەت, قۇرىلىس قالدىقتارى", - دەگەن ەدٸ نۇرسۇلتان نازارباەۆ سۋرەتتەردٸ كٶرسەتٸپ.
