قازاقستاننىڭ تۇڭعىش پرەزيدەنتٸ يادرولىق سىناقتارعا جاپپاي تىيىم سالۋ تۋرالى شارت ۇيىمى دايىندىق كوميسسيياسىنىڭ اتقارۋشى حاتشىسى روبەرت فلويدتى قابىلدادى, دەپ حابارلايدى "ۇلت اقپارات" ەلباسىنىڭ باسپاسٶز قىزمەتٸنە سٸلتەمە جاساپ.
ەلباسى ر.فلويدتى يادرولىق سىناقتارعا جاپپاي تىيىم سالۋ تۋرالى شارت ۇيىمى دايىندىق كوميسسيياسىنىڭ باسشىسى بولىپ سايلانۋىمەن قۇتتىقتاپ, جاۋاپتى قىزمەتٸنە تابىس تٸلەدٸ.
– 29 تامىزدا سەمەي پوليگونىن جابۋ تۋرالى جارلىققا قول قويعانىما وتىز جىل تولادى. سودان بەرٸ بٸز يادرولىق قارۋعا قارسى تالماي كٷرەس جٷرگٸزٸپ كەلەمٸز. قازاقستان يادرولىق سىناقتاردىڭ اۋىرتپالىعىن باسىنان ٶتكەرگەن ەل: مەملەكەتٸمٸزدە بەس جٷزدەن استام جارىلىس بولىپ, كٶپ ادام زارداپ شەكتٸ. بٸز پوليگوندى جابۋمەن قاتار, كٶلەمٸ جاعىنان دٷنيە جٷزٸندەگٸ تٶرتٸنشٸ يادرولىق ارسەنالدان باس تارتتىق. مەن بيىل رەسەي مەن اقش اراسىنداعى ستراتەگييالىق شابۋىل قارۋلارىن قىسقارتۋ جەنە شەكتەۋ جٶنٸندەگٸ كەلٸسٸمنٸڭ ۇزارتىلعانىنا قۋانىشتىمىن. وسى جىلى يادرولىق قارۋعا تىيىم سالۋ شارتى كٷشٸنە ەندٸ. يادرولىق سىناقتارعا جاپپاي تىيىم سالۋ تۋرالى شارتقا قول قويىپ, راتيفيكاتسييالاعان ەلدەردٸڭ قاتارى ارتىپ كەلەدٸ. بۇل جۇمىس جالعاسىن تابادى دەپ ٷمٸتتەنەمٸن, – دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ قازاقستاننىڭ انتييادرولىق باعىتتاعى كٷش-جٸگەرٸن جوعارى باعالاعانى ٷشٸن ريزاشىلىعىن بٸلدٸردٸ.
– بٸز يادرولىق قارۋعا قارسى كٷرەسكە جەنە يادرولىق سىناقتارعا تىيىم سالۋعا ارنالعان بارلىق ٸس-شاراعا اتسالىسىپ كەلەمٸز. وسى جۇمىستى جوعارى باعالاعاندارىڭىز ٷشٸن العىسىم زور. بٸزدٸڭ ۇسىنىسىمىز بويىنشا بٸرٸككەن ۇلتتار ۇيىمى 29 تامىزدى حالىقارالىق يادرولىق سىناقتارعا قارسى ٸس-قيمىل كٷنٸ دەپ جارييالادى, – دەدٸ نۇرسۇلتان نازارباەۆ.
ٶز كەزەگٸندە ر.فلويد يادرولىق قارۋسىزدانۋ, يادرولىق قارۋدى تاراتپاۋ, سونداي-اق اتوم ەنەرگيياسىن بەيبٸت ماقساتتا پايدالانۋ ٸسٸنە زور ٷلەس قوسقان كٶرنەكتٸ تۇلعامەن كەزدەسۋ مٷمكٸندٸگٸنە يە بولعانى ٷشٸن العىسىن بٸلدٸردٸ.
– سٸز يادرولىق سىناقتارعا جاپپاي تىيىم سالۋ تۋرالى شارتتى جٷزەگە اسىرۋعا ەرەكشە ىقپال ەتتٸڭٸز. سٸزدٸڭ قوسقان ٷلەسٸڭٸز زور, ونىڭ ەسەرٸ دە مول, – دەدٸ فلويد.
كەزدەسۋدە تاراپتار حالىقارالىق قاۋٸپسٸزدٸك پەن تۇراقتىلىقتى قامتاماسىز ەتۋ سالاسىنداعى قازٸرگٸ جاعداي تۋرالى پٸكٸر الىستى.
