نازارباەۆ ۋنيۆەرسيتەتٸ تٷركٸستان تاۋلارىنا ساياحات بارىسىندا قازا تاپقان ستۋدەنتتەرٸنٸڭ وتباسىنا, تۋعان-تۋىستارى مەن دوستارىنا كٶڭٸل ايتتى, دەپ حابارلايدى "ۇلت اقپارات".
«ەكٸ ستۋدەنتٸمٸزدٸڭ قايعىلى جاعدايدا قازا تاپقانى تۋرالى اقپاراتتى زور كٷيزەلٸسپەن قابىلدادىق. ولار تٷركٸستان وبلىسىنىڭ تاۋلارىنا ساپارعا اتتانعان, قۇرامىندا 7 ادام تۋريستٸك توپتىڭ ٸشٸندە بولعان ەدٸ. ستۋدەنتتەرٸمٸزدٸڭ وتباسىلارىنا, تۋعان-تۋىستارى مەن دوسپارىنا شىن نيەتتەن كٶڭٸل ايتامىز. نازارباەۆ ۋنيۆەرسيتەتٸ ٶز تاراپىنان قازا تاپقانداردىڭ وتباسىنا قاجەتتٸ بارلىق كٶمەك كٶرسەتٸپ, قولداۋ بٸلدٸرەتٸن بولادى. بۇل بٸز ٷشٸن ازالى كٷن. توپتىڭ قالعان مٷشەلەرٸ جاقىن ارادا دٸن امان تابىلاتىندىعىنا ٷلكەن سەنٸم ارتامىز», - دەلٸنگەن ۋنيۆەرسيتەتتٸڭ باسپاسٶز قىزمەتٸ تاراتقان كٶڭٸل ايتۋدا.
ەسكە سالايىق, تٶلەبي اۋدانىنىڭ سايرام-ٶگەم مەملەكەتتٸك ۇلتتىق تابيعي پاركٸنٸڭ اۋماعىندا 7 ادامنىڭ جوعالعانى تۋرالى حابارلاما 2021 جىلعى 25 مامىردا 18 ساعات 30 مينۋتتا كەلٸپ تٷستٸ. ولاردىڭ ٷشەۋٸ كەشە تابىلعان بولاتىن. 21 مامىردا تۋريستەر جاياۋ «سارى-ايعىر» شاتقالىنا بەت العان جەنە 24 مامىردا قايتۋ قاجەت بولعان. الايدا قايتار جولدا اداسىپ كەتكەن. ال بٷگٸن تۋريستٸك توپتىڭ 2 مٷشەسٸنٸڭ مٷردەسٸ تابىلعانى حابارلاندى.
