مينيسترلەر دەربەس شەشٸم قابىلداۋدا جاۋاپكەرشٸلٸكتٸ مويىندارىنا الۋلارى كەرەك. بۇل تۋرالى بٷگٸن ٷكٸمەتتٸڭ كەڭەيتٸلگەن مەجٸلٸسٸندە قر پرەزيدەنتٸ نۇرسۇلتان نازارباەۆ ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ەربٸر باسشى جاۋاپكەرشٸلٸكتٸ سىرعىتپاي ٶز موينىنا الۋى كەرەك. بٸز بۇل تۋرالى انا جىلى ٷكٸمەتتٸ قايتا ۇيىمداستىرعاندا ايتقانبىز. ۆيتسە-پرەمەرلەر, مينيسترلەر سانىن قىسقارتقاندا ايتتىق. ەر مينيستر ٶزٸ بۇيرىق شىعارادى, ٶزٸ سونى ورىندايدى, ٶزٸ جاۋاپ بەرەدٸ. بيۋدجەتكە قازٸردەن باستاپ كٸرٸسەسٸڭدەر, ەر مينيسترلٸككە, ەر ٶڭٸرگە اقشا بٶلٸنەدٸ. سونى الامىز دەپ تىرمىسىپ قانشاما جۇمىس ٸستەپ, دەلەلدەدٸڭدەر, الدىڭدار. ەندٸ سونىڭ بەرٸن الىپ ۇقساتىڭدار, جەتكٸزٸڭدەر. سودان كەيٸن جاۋاپ بەرٸڭدەر. مەسەلە سوندا. جاۋاپكەرشٸلٸك سونداي. بٸراق, قاراپ وتىرساڭ, اباي ايتقانداي «باياعى جارتاس, بٸر جارتاس». بەرٸبٸر مينيسترلەر كەلەدٸ دە پرەمەر-مينيسترگە حات جازادى, ماعان جازادى. ۆيتسە-پرەمەرلەر بار, ولارعا حات جازادى. ٶزٸنە جاۋاپكەرشٸلٸك المايدى. ونداي قورقاق بولساڭدار مۇنداي جۇمىسقا نەگە كەلەسٸڭدەر? باسقا جەرگە بارىڭدار. قاعازعا قول قويمايتىن جۇمىستار بار, ورىنباسارلار بار. بيزنەسكە بارىڭدار», - دەدٸ ەلباسى ٷكٸمەت مٷشەلەرٸنە قاراتا.
سونىمەن قاتار قازاقستان پرەزيدەنتٸ مينيسترلەر دەربەس شەشٸم قابىلداۋدان جاسقانباۋى, جاۋاپكەرشٸلٸكتٸ مويىندارىنا الۋى قاجەتتٸگٸن باسا ايتتى.
«ەڭ بٸرٸنشٸ ماقسات مەملەكەت ماقسات-مٷددەسٸن باسشىلىققا الىپ, سونى ورىنداۋ. بۇل جٶنٸندە, ٷشٸنشٸ جاڭعىرۋ جٶنٸندەگٸ جولداۋدا اتالعان ماقساتتارعا قالاي قول جەتكٸزۋ كەرەكتٸگٸن ايتىپ بەردٸم», - دەدٸ نۇرسۇلتان نازارباەۆ.
