نۇرسۇلتان نازارباەۆ تمد-نىڭ بٸرقاتار ەلٸنٸڭ دٸنباسىلارىمەن – يسلام دٸنٸ ٶكٸلدەرٸمەن كەزدەسۋ ٶتكٸزدٸ, دەپ حابارلايدى "ۇلت اقپارات" ەلباسىنىڭ رەسمي سايتىنا سٸلتەمە جاساپ.
قازاقستاننىڭ تۇڭعىش پرەزيدەنتٸ ٶزبەكستان مۇسىلماندارى دٸني باسقارماسىنىڭ تٶراعاسى نۇريددين حاليكنازاروۆپەن, قىرعىزستان مۇسىلماندارى دٸني باسقارماسىنىڭ تٶراعاسى زامير راكيەۆپەن, رەسەي فەدەراتسيياسى مۇسىلماندارى دٸني باسقارماسى تٶراعاسىنىڭ بٸرٸنشٸ ورىنباسارى دامير مۋحەتدينوۆپەن ٶتكەن كەزدەسۋ بارىسىندا ولارعا استاناداعى جاڭا مەشٸتتٸڭ اشىلۋى رەسٸمٸنە قاتىسۋعا ۋاقىت بٶلٸپ, ارنايى كەلگەندەرٸ ٷشٸن ريزاشىلىق بٸلدٸرٸپ, العىسىن ايتتى.
نۇرسۇلتان نازارباەۆ دٸننٸڭ قازاقستان حالقى ٶمٸرٸندە ايرىقشا ورىن الاتىنىن اتاپ ٶتٸپ, ەلٸمٸزدە كونفەسسييالار اراسىنداعى ديالوگ مەسەلەسٸنە ۇدايى باسا كٶڭٸل اۋدارىلىپ كەلە جاتقانىن جەتكٸزدٸ. قازاقستاننىڭ تۇڭعىش پرەزيدەنتٸ جاڭا مەشٸتتٸڭ يسلامداعى تاتۋلىق پەن تولەرانتتىلىق يدەياسىنىڭ مىزعىماس مەنٸن ايشىقتاپ تۇرعانىن, ونىڭ ەسٸگٸ بارلىق دٸن مەن ۇلتتىڭ ٶكٸلدەرٸ ٷشٸن ەردايىم اشىق بولاتىنىنا توقتالىپ ٶتتٸ.
ٶز كەزەگٸندە قوناقتار دا قازاقستاننىڭ استاناسىنا دەگەن سٷيسٸنٸستەرٸن جاسىرماي, جاڭا مەشٸت رۋحاني ورتالىق قانا ەمەس, قالانىڭ اسا كٶرنەكتٸ ورنىنىڭ تاعى بٸرٸنە اينالاتىنى جٶنٸندە پٸكٸر بٸلدٸردٸ.
