قازاقستاننىڭ تۇڭعىش پرەزيدەنتٸ - ەلباسى نۇرسۇلتان نازارباەۆ شۆەيتسارييا پرەزيدەنتٸ ۋلي ماۋرەرمەن كەزدەستٸ, دەپ حابارلايدى قازاقپارات elbasy.kz سٸلتەمە جاساپ.
كەزدەسۋ بارىسىندا نۇرسۇلتان نازارباەۆ تەۋەلسٸزدٸك جىلدارىندا قازاقستان مەن شۆەيتسارييا اراسىندا ەكونوميكانىڭ تٷرلٸ سالالارىندا جاقسى قارىم-قاتىناس قالىپتاسقانىن اتاپ ٶتتٸ.
– قازاقستانعا قوش كەلدٸڭٸز. سٸزدەردٸڭ ەلدەرٸڭٸزگە بٸرنەشە رەت باردىم. شۆەيتسارييا – قازاقستاننىڭ ٸرٸ جەنە ماڭىزدى ساۋدا سەرٸكتەستەرٸنٸڭ بٸرٸ. بٸزدٸڭ ەلٸمٸزدٸ ەرقاشان قولداپ كەلەسٸزدەر. وسى ىنتىماقتاستىقتى ودان ەرٸ جالعاستىرعان جٶن. بٸزدە شۆەيتسارييالىق بيزنەستٸ قىزىقتىراتىن جوبالار كٶپ, - دەدٸ قازاقستاننىڭ تۇڭعىش پرەزيدەنتٸ.
ٶز كەزەگٸندە ۋلي ماۋرەر نۇرسۇلتان نازارباەۆقا كەزدەسۋ ٷشٸن ريزاشىلىق بٸلدٸرٸپ, قازاقستانعا جاساپ جاتقان رەسمي ساپارىنان العان ەسەرٸمەن بٶلٸستٸ.
– بٸزدٸڭ ەلدەرٸمٸزدٸڭ قارىم-قاتىناسى ٶتە جاقسى. بٷگٸن تاڭەرتەڭ مازمۇندى ەرٸ جەمٸستٸ كەزدەسۋلەر ٶتكٸزدٸم. قازاقستانمەن بٸرلەسە وتىرىپ دامىتاتىن كٶپتەگەن جوبالاردى تالقىلادىق, - دەدٸ شۆەيتسارييا پرەزيدەنتٸ.
