ەلباسىنىڭ باسپاسٶز حاتشىسى «قازاقپارات» اقپاراتتىق اگەنتتٸگٸنە ماقالا جارييالادى. وندا ايدوس ٷكٸباي نۇرسۇلتان نازارباەۆ پەن ۆلاديمير پۋتين كەلٸسسٶزدەرٸ جٶنٸندە تولىق اقپارات بەرگەن, دەپ حابارلايدى "ۇلت اقپارات".
***
30 ماۋسىم كٷنٸ نۇرسۇلتان نازارباەۆ رەسەي فەدەراتسيياسىنىڭ پرەزيدەنتٸ ۆلاديمير پۋتينمەن كەلٸسسٶز جٷرگٸزدٸ. بٸرنەشە ساعاتقا سوزىلعان كەلٸسسٶز ايتارلىقتاي جەمٸستٸ بولدى. بۇعان دەيٸن دە اتاپ ٶتٸلگەنٸندەي, تاراپتار ەاەو اياسىنداعى ينتەگراتسييالىق پروتسەستەردٸڭ دامۋ پەرسپەكتيۆاسىن تالقىلاپ, ٶڭٸرلٸك قاۋٸپسٸزدٸكتٸ قامتاماسىز ەتۋ بويىنشا ٶزەكتٸ مەسەلەلەرگە قاتىستى پٸكٸر الماستى.
اتاپ ايتقاندا, سوڭعى وقيعالار كونتەكسٸندە اۋعانستاننىڭ ورتالىق ازييا مەملەكەتتەرٸمەن شەكاراسىنداعى شيەلەنٸستٸ جاعدايلار تالقىلاندى. قازاقستان رەسپۋبليكاسى قاۋٸپسٸزدٸك كەڭەسٸنٸڭ تٶراعاسى وسى ٶڭٸردەگٸ شيەلەنٸستٸڭ ارتا تٷسۋٸنە بايلانىستى ٶز الاڭداۋشىلىعىن بٸلدٸردٸ.
ەلباسىنىڭ بىلتىر كوروناۆيرۋس ينفەكتسيياسىنان قالاي ايىققانى تۋرالى سٶزٸ دە باق-تىڭ ەرەكشە قىزىعۋشىلىعىن تۋدىردى. ەستە بولسا, تۋرا سول كەزدە قاراپايىم ازاماتتار اراسىندا دا, وسى سوققىنى ٶزدەرٸنە بٸرٸنشٸ قابىلداعان مەديتسينا قىزمەتكەرلەرٸ اراسىندا دا كوروناۆيرۋس جۇقتىرۋ شارىقتاۋ شەگٸنە جەتكەن ەدٸ. نۇرسۇلتان نازارباەۆ جاڭا قاتەرگە قارسى كٷرەستە قازاقستاندىق مەديتسينا قىزمەتكەرلەرٸنٸڭ ەرەن ەرلٸگٸن بٸرنەشە رەت باسا ايتقان. ەلباسى ادامزات بالاسى بۇل ۆيرۋستى تەك ەلەمدٸك عىلىمي-مەديتسينالىق قوعامداستىقپەن تىعىز كووپەراتسييا ارقىلى جەنە ەركٸمنٸڭ ٶز دەنساۋلىعىن ساقتاۋعا جاۋاپتى قادام جاساي وتىرىپ قانا جەڭۋگە بولاتىنىن ەرقاشان ايتىپ كەلەدٸ.
ەسكە سالا كەتەيٸن, نۇرسۇلتان نازارباەۆتىڭ سىرقاتتانعانى تۋرالى اقپارات بٸزدٸڭ ەلدٸڭ ازاماتتارىن عانا ەمەس, ەلەمدٸك قاۋىمداستىقتى دا اياعىنان تٸك تۇرعىزدى.
كٶپتەگەن شەتەل كٶشباسشىلارى ٶز الاڭداۋشىلىعىن بٸلدٸرٸپ, قازاقستاننىڭ تۇڭعىش پرەزيدەنتٸنٸڭ تەز ساۋىعىپ كەتۋٸن تٸلەدٸ. نۇرسۇلتان نازارباەۆتىڭ جاقىن دوسى ۆلاديمير ۆلاديميروۆيچ پۋتين تٸپتٸ تۇڭعىش پرەزيدەنتتٸ باقىلايتىن قازاقستاندىق ماماندارعا كٶمەك كٶرسەتۋ ٷشٸن رەسەيلٸك دەرٸگەرلەردٸ جٸبەردٸ.
ەلباسى كوروناۆيرۋس ينفەكتسيياسىنىڭ سيمپتومسىز تٷرٸمەن اۋىرعان بولاتىن. مەديتسينا ماماندارىنىڭ كەڭەستەرٸ, ۇسىنىمدارى, سونداي-اق تۇڭعىش پرەزيدەنتتٸڭ دەنساۋلىق جاعدايىن مۇقييات باقىلاۋدىڭ ارقاسىندا بەرٸ جاقسى ٶتتٸ.
ەلباسىنىڭ رەسەي فەدەراتسيياسىنا جۇمىس ساپارى اياسىندا تالقىلانعان مەسەلەنٸڭ بٸرٸ قازاق حالقى ٷشٸن كيەلٸ سانالاتىن كەنەسارى حاننىڭ سٷيەگٸن ٸزدەستٸرۋ جەنە ونى قازاقستانعا قايتارۋ تاقىرىبى بولدى. كەلٸسسٶزدەر بارىسىندا نۇرسۇلتان ەبٸشۇلى رەسەي پرەزيدەنتٸنەن وسى پروتسەسكە كٶمەك كٶرسەتۋٸن سۇرادى. ەلباسى قازاقتىڭ سوڭعى حانىنىڭ سٷيەگٸ ٶزٸنٸڭ تۋعان جەرٸندە جەرلەنٸپ, رۋحىنىڭ تىنىش تابۋى قازاق حالقى ٷشٸن اسا ماڭىزدى مەسەلە ەكەنٸن ايرىقشا اتاپ ٶتتٸ. ۆلاديمير ۆلاديميروۆيچ پۋتين تۇڭعىش پرەزيدەنتتٸ رەسەي تاراپىنىڭ بۇل مەسەلەدە جان-جاقتى كٶمەك كٶرسەتەتٸنٸنە سەندٸردٸ. پۋتيننٸڭ سٶزٸنە قاراعاندا, ارتەفاكت تابىلادى جەنە قازاقستان حالقىنا قايتارىلادى.
ەلباسى كەڭەسشٸسٸ – باسپاسٶز حاتشىسى ا.ٷكٸباي
