قازاقستاننىڭ تۇڭعىش پرەزيدەنتٸ نۇرسۇلتان نازارباەۆ وتستاۆكاعا كەتۋ تۋرالى بٸرنەشە جىلدان بەرٸ ويلانىپ جٷرگەنٸن ايتتى, دەپ حابارلايدى Sputnik قازاقستان تٸلشٸسٸ.
"مۇنداي شەشٸم بٸر كٷن نەمەسە بٸر اي ٸشٸندە قابىلدانا سالمايدى. مەن بۇعان بٸرنەشە جىل دايىندالدىم. ەگەر قۇپييامدى اشسام, ٷش جىلدان استام ۋاقىت. اينالاما قاراپ, ەلدٸڭ ٶتكەنٸ مەن بولاشاعى تۋرالى ويلادىم. كادرلىق سەرٸكتەرٸمە قاراپ, وسى جىلدار بويى ولاردى تەربيەلەدٸم. ەربٸرٸنە ٷمٸت ارتتىم. اقىر سوڭىندا وسى دۇرىس دەگەن قورىتىندىعا كەلدٸم", - دەدٸ ەلباسى Nur Otan پارتيياسىنىڭ كەزەكتەن تىس سەزٸندە.
تۇڭعىش پرەزيدەنت ەل باسقارۋعا قالاي كەلگەنٸن دە ەسكە الدى. ماۋسىمدا نازارباەۆتىڭ قازاقستان كومپارتيياسى وك-نٸڭ بٸرٸنشٸ حاتشىسى قىزمەتٸنە كٸرٸسكەنٸنە 30 جىل تولادى. بۇل كٶشباسشىلىق پوزيتسييا بولاتىن.
"الدىمىز بۇلىڭعىر, قيىن-قىستاۋ كەزەڭ بولاتىن, بٸر جىلدان كەيٸن ەل كٷيرەدٸ. قۇددى تٶبە قۇلاعانداي ەدٸ. جاڭا وسىندا وتىرىپ, سول بٸر جىلدار ەسٸمە تٷستٸ. مەملەكەتتٸڭ تٸزگٸنٸن وسىنشاما جىل ماعان سەنٸپ تاپسىرىپ, تٶزٸمدٸلٸك تانىتقاندارىڭىز ٷشٸن العىس ايتامىن. ەگەر مەن وسى ۋاقىت ٸشٸندە حالىقتىڭ سەنٸمٸن اقتاسام, مەن باقىتتى اداممىن, باقىتتى ساياساتكەرمٸن. سوندىقتان مەن سانالى شەشٸم قابىلدادىم", - دەدٸ ەلباسى.
سٶز سوڭىندا نازارباەۆ نۇروتاندىقتاردى توقاەۆتى پرەزيدەنت ەتٸپ سايلاۋعا شاقىردى.
"توقاەۆتى پرەزيدەنت ەتٸپ سايلاپ, وعان قولداۋ كٶرسەتەيٸك", - دەيدٸ تۇڭعىش پرەزيدەنت.
