قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ تەۋەلسٸزدٸك كٷنٸنە ارنالعان مەرەكەلٸك كونتسەرتكە قاتىستى, دەپ حابارلايدى "ۇلت اقپارات" elbasy.kz سايتىنا سٸلتەمە جاساپ.
شارا بارىسىندا ەلباسى بارلىق قازاقستاندىقتاردى تەۋەلسٸزدٸك كٷنٸمەن قۇتتىقتادى.
- 1991 جىلى 16 جەلتوقساندا ارنايى زاڭ قابىلداپ, بٷكٸل ەلەمگە قازاقستاننىڭ تەۋەلسٸزدٸگٸن جارييالادىق. بٸز ەلدٸگٸمٸزدٸڭ جاڭا دەۋٸرٸنٸڭ نەگٸزٸن قالاپ, كۋەگەرلەرٸ بولدىق. اتا-بابالارىمىزدىڭ سان عاسىرلىق ارمانىن ورىنداۋ مەرتەبەسٸ بٸزدٸڭ بۋىنعا بۇيىرعانىن ماقتان تۇتامىن, - دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ باسقا مەملەكەتتەر عاسىرلار بويى جٷرٸپ ٶتكەن ٷلكەن جولدى قازاقستان 28 جىل ٸشٸندە ٶتكەرگەنٸن اتاپ ٶتتٸ.
- حالىقتىڭ بٸرلٸگٸنٸڭ ارقاسىندا قۋاتتى, تەۋەلسٸز جەنە گٷلدەنگەن مەملەكەت قۇردىق. وسى جولدا مەن سٸزدەردٸڭ ەرقايسىلارىڭىزدىڭ, ەربٸر قازاقستاندىقتىڭ ٷلكەن قولداۋىن سەزٸندٸم. بارشاڭىزعا ريزاشىلىعىمدى بٸلدٸرەمٸن, - دەدٸ ەلباسى.
قازاقستاننىڭ تۇڭعىش پرەزيدەنتٸ ەلٸمٸزدٸڭ تەۋەلسٸزدٸك جىلدارى قول جەتكٸزگەن جەتٸستٸكتەرٸ تۋرالى ايتتى.
- تەۋەلسٸزدٸك جىلدارىندا بٸز اشىق جەنە نارىقتىق ەكونوميكا قۇردىق. قازاقستان ەكونوميكانىڭ كٶلەمٸ جەنە ينۆەستيتسييالار تارتۋ جاعىنان ورتالىق ازييا ٶڭٸرٸندە كٶش باستاپ كەلەدٸ. بٸز گەوساياسي ەلەۋەتٸمٸزدٸ قۇرلىقتىڭ شىعىسى مەن باتىسىن بايلانىستىراتىن كٶلٸك دەلٸزٸن قۇرۋ ارقىلى ٸسكە اسىردىق, - دەدٸ نۇرسۇلتان نازارباەۆ.
ەلباسى مەملەكەت تاعدىرىنا دەگەن سەنٸم پەن جاۋاپكەرشٸلٸك, حالىقتىڭ ەرٸك-جٸگەرٸ بٸزدٸڭ ۇلتىمىزدى بٸرٸكتٸرگەنٸن اتاپ ٶتتٸ.
- تەۋەلسٸزدٸك - حالىققا قانات بٸتٸرەتٸن قۇندىلىق. مۇنداي باعا جەتپەس بايلىق كەز كەلگەن حالىققا بۇيىرا بەرمەيدٸ. وعان قول جەتكٸزگەن كٷننٸڭ ٶزٸندە دە بەرٸ بٸردەي يگٸلٸگٸن كٶرە الماۋى مٷمكٸن. 1991 جىلى بٸز قاناتىمىزدى كەڭگە جايىپ, جارقىن بولاشاققا قادام باستىق, - دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ قازاقستاندىقتاردىڭ جاس بۋىنىنا ارنايى ٷندەۋ جاسادى.
- بٸز سەندەر جاقسى ٶمٸر سٷرۋ ٷشٸن بارلىق جاعدايدى جاسادىق. سوندىقتان تەك قانا العا ۇمتىلىپ, بيٸك بەلەستەردٸ باعىندىرىڭدار, اسقار اسۋلارعا تالپىنىڭدار. ەڭ باستىسى – ەلٸمٸزدە بٸرلٸك, بەيبٸتشٸلٸك پەن كەلٸسٸمدٸ ساقتاي بٸلٸڭدەر. بۇل – بٸزدٸڭ تەۋەلسٸزدٸگٸمٸزدٸڭ باستى جەتٸستٸگٸ جەنە الداعى جەڭٸستەرٸمٸزدٸڭ كەپٸلٸ, - دەدٸ ەلباسى.
قازاقستاننىڭ تۇڭعىش پرەزيدەنتٸ ٶزٸنٸڭ وتىز جىل بويى ەلدٸڭ جارقىن بولاشاعى ٷشٸن قىزمەت ەتۋ مەرتەبەسٸنە يە بولعانىن ماقتان تۇتاتىنىن ايتتى.
- تەۋەلسٸزدٸك جىلدارى مەملەكەتٸمٸزدٸڭ قول جەتكٸزگەن جەتٸستٸكتەرٸن ەسەلەي تٷسۋ ماڭىزدى. سوندىقتان بارلىعىمىز پرەزيدەنت قاسىم-جومارت توقاەۆپەن بٸرگە بولۋىمىز كەرەك. بٸزدٸڭ ويىمىز دا بٸر, مۇرات-ماقساتىمىز دا ورتاق. ول – قازاقستاننىڭ تەۋەلسٸزدٸگٸن نىعايتۋ, - دەدٸ نۇرسۇلتان نازارباەۆ.
سٶز سوڭىندا ەلباسى بارشا حالىقتى تاعى دا تەۋەلسٸزدٸك كٷنٸمەن قۇتتىقتادى.
