ەلباسى دەستٷرلٸ تٷردە «اتامەكەن» ەتنومەموريالدى كەشەنٸ الاڭىندا ەلدٸڭ جوعارى ەسكەري وقۋ ورىندارىنىڭ تٷلەكتەرٸنە وفيتسەرلٸك شەن تاپسىرادى, دەپ حابارلايدى قازاقپارات.
بۇدان بۇرىن حابارلانعانداي, مەملەكەت باسشىسى نۇرسۇلتان نازارباەۆ استانا كٷنٸن مەرەكەلەۋ اياسىندا مەملەكەتتٸك تۋدى كٶتەرۋ سالتاناتتى رەسٸمٸنە قاتىستى.
«جەلبٸرەگەن كٶك تۋىمىزدىڭ استىندا بٷگٸن بٸزدٸڭ ەلوردامىزدىڭ جيىرما جىلدىڭ مەرەيتويىنا ارنالاعان بارلىق شارالاردى باستاعالى وتىرمىز. ەلوردامىزدىڭ 20 جىلدىق مەرەكەسٸمەن شىن جٷرەگٸمنەن بارشالارىڭىزدى قۇتتىقتايمىن. بيىل دەستٷرلٸ مەرەكەمٸز استانامىزدىڭ جيىرما جىلدىعىنا تۋرا كەلٸپ تۇر. 20 جىل دەگەن تاريح ٷشٸن قاسقاعىم سەت. بارشا ەلەمدە ەكٸ عاسىردىڭ توعىسىندا ەن دالادا قالا سالعان جالعىز ەل - ول قازاقستان», - دەدٸ نۇرسۇلتان نازارباەۆ.
وسى ورايدا, پرەزيدەنت جيىرما جىلدىڭ ٸشٸندە بٷكٸل استانامىز قازاقستاندى ەلەمگە پاش ەتكەنٸن, ەلوردادا تٷرلٸ دٷنيەجٷزٸلٸك ۇيىمداردىڭ جينالىستارى ٶتكٸزٸلٸپ جاتقانىن ەسكە سالىپ ٶتتٸ.
«قازاقستان, تەۋەلسٸزدٸك, استانا - ٷش ۇعىمى بٸردەي. بٸزدٸڭ جالعىز وتانىمىز بار - ول قازاقستان. بٸزدٸڭ ورىندالعان ارمانىمىز - ول تەۋەلسٸزدٸك. بٸزدٸڭ ەشبٸر ەلدٸڭ تۋىنا ۇقسامايتىن كٶك بايراعىمىز بار. ول بٸرٸككە ۇلتتار ۇيىمىنان باستاپ, بارلىق شەتەلدەگٸ ەلشٸلٸكتەردە, ٷلكەن شارالاردا جەلبٸرەپ تۇر. بٸز جىلدا دەستٷر بويىنشا استانادا مەملەكەتتٸك تۋدى كٶتەرٸپ كەلەمٸز», - دەدٸ پرەزيدەنت.
سونىمەن قاتار, مەملەكەت باسشىسى - قازاقستان رەسپۋبليكاسى قارۋلى كٷشتەرٸنٸڭ جوعارعى باس قولباسشىسى ەلدٸڭ جوعارى ەسكەري وقۋ ورىندارىنىڭ 12 تٷلەگٸنە وفيتسەرلٸك شەن تاپسىرادى.
«دەل وسى مەزگٸلدە ەسكەري جوعارى وقۋ ورىندارىن بٸتٸرگەن جاس ۇلاندارعا ەڭ بٸرٸنشٸ وفيتسەرلٸك شەن تاپسىرعالى وتىرمىز. مەنٸڭ ويىمشا, وسى وقۋ ورىندارىن تەمامداعان ٷزدٸك جاستارعا وفيتسەرلٸك شەندٸ تاپسىرا وتىرىپ, بارلىق ەسكەري جوعارى وقۋ ورىندارىنىڭ جاستارىن شىن جٷرەگٸمنەن قۇتتىقتايمىن. بۇل جاس وفيتسەرلەرگە كٶپ ٷمٸت ارتامىز. وتانىمىزدىڭ تىنىشتىعى, ەلٸمٸزدٸڭ شەكاراسىنىڭ بەرٸكتٸگٸ, ەلٸمٸزدٸڭ تۇتاستىعى قارۋلى كٷشتەردٸڭ قولىندا. بارلىقتارىڭىزعا سەتتٸلٸك پەن مىقتى دەنساۋلىق تٸلەيمٸن», - دەدٸ ەلباسى.
.jpeg)