قازٸرگٸ قيىن جاعدايدا ەر ازامات قولىنان كەلگەن ٷلەسٸن قوسۋعا تيٸس. ەلباسى نۇرسۇلتان نازارباەۆ حالىققا ارناعان ٷندەۋٸندە وسىلاي دەدٸ, دەپ حابارلايدى "ۇلت اقپارات".
«دانا حالقىمىزدا «كەمەدەگٸنٸڭ جانى بٸر» دەگەن ۇلاعاتتى سٶز بارىن بٸلەسٸزدەر. وسىناۋ سىن ساعاتتا ورتاق ٸستەن ەشكٸم دە سىرت قالماۋعا تيٸس. بٸرٸنشٸدەن, ٷكٸمەت بيۋدجەت سالاسى قىزمەتكەرلەرٸنٸڭ, ستۋدەنتتەردٸڭ, شاعىن جەنە ورتا بيزنەستٸڭ اۋىرتپالىعىن جەڭٸلدەتۋ باعىتىنداعى ناقتى قادامدارىن جارييا ەتتٸ. بٸراق تەك قانا مەملەكەتتٸڭ كٷش-جٸگەرٸ جەتكٸلٸكسٸز بولادى. زاۋالدى ەڭسەرۋ ٷشٸن باسقا دا قوسىمشا رەسۋرستاردى جۇمىلدىرعان جٶن. ەربٸر ازامات ٶزٸنٸڭ قولىنان كەلەتٸن ٷلەسٸن قوسۋعا تيٸس. مەن بۇل قيىن كەزەڭدە ەل-جۇرتقا كٶمەكتەسكٸسٸ كەلەتٸن جەنە جەردەم بەرە الاتىن ادامداردىڭ قاراجاتى جيناقتالاتىن رەسپۋبليكالىق قور قۇرۋدى ۇسىنامىن. وسىنداي جاعدايدا بۇرىنعىشا وتاندىق ٸرٸ كەسٸپورىندار دا قولداۋىن كٶرسەتەدٸ دەپ سەنەمٸن», - دەيدٸ تۇڭعىش پرەزيدەنت.
ونىڭ ايتۋىنشا, ونداي قوردى ەربٸر وبلىس ورتالىعىندا جەنە رەسپۋبليكالىق ماڭىزى بار قالالاردا قۇرۋ قاجەت. ول جۇمىستى تيٸسٸنشە سول جەرلەردٸڭ ەكٸمدەرٸ جٷزەگە اسىرعانى دۇرىس.
«بٷكٸل حالىق, قالىڭ ەل, جالپاق جۇرت بولىپ جۇمىلۋدىڭ جارقىن ٷلگٸسٸ مەن تيٸمدٸلٸگٸن بٸز ارىس قالاسىن اپاتتان كەيٸن جەدەل قالپىنا كەلتٸرگەن كەزدە كٶرسەتكەن ەدٸك. ەكٸنشٸدەن, مەن قازٸردٸڭ ٶزٸندە ۇلتتىق بيزنەس ٶكٸلدەرٸنٸڭ ەل-جۇرتقا كٶرسەتٸپ جاتقان كٶمەگٸ ٷشٸن ريزاشىلىعىمدى بٸلدٸرەمٸن. مۇنداي مەرتتٸك جالعاسىن تاۋىپ, وعان قوسىلاتىن بيزنەس ٶكٸلدەرٸنٸڭ سانى كٶبەيە تٷسەدٸ دەگەن ٷمٸتتەمٸن», - دەپ اتاپ ٶتتٸ نۇرسۇلتان نازارباەۆ.
