ۇلتتىق بانك ٶكٸلدەرٸ تەۋەلسٸزدٸكتٸڭ 30 جىلدىعىنا ارنالعان نومينالى 20 000 تەڭگەلٸك ەسكەرتكٸش بانكنوتتىڭ قولما-قول اينالىمدا قالۋىنا قاتىستى جاۋاپ بەردٸ, - دەپ حابارلايدى Massaget.kz.
نۇرسۇلتان نازارباەۆتىڭ پورترەتٸ بار نومينالى 20 000 تەڭگەلٸك مەرەيتويلىق بانكنوت 2021 جىلعى 1 جەلتوقساندا شەكتەۋلٸ تارالىممەن اينالىمعا شىعارىلعان, ول ەسكەرتكٸش بانكنوت سانالادى. ۇلتتىق بانك دەرەكتەرٸ بويىنشا, ۇب شىعارعان كۋپيۋرالاردىڭ قولما-قول اقشا اينالىمىنداعى ٷلەسٸ اينالىمداعى (ەدەتتەگٸ) بانكنوتتارمەن سالىستىرعاندا (اينالىمداعى بانكنوتتاردىڭ بٸر پايىزىنان كەم) از.
"مەرەيتويلىق جەنە ەسكەرتكٸش بانكنوتتاردىڭ اينالىم مەرزٸمٸ بەلگٸلەنبەيدٸ. بۇل بانكنوتتار زاڭدى تٶلەم قۇرالى جەنە ولاردىڭ تابيعي تٷردە ەسكٸرۋٸنە قاراي اقشا اينالىمىنان الىنادى. وسىعان بايلانىستى قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا ارنالعان نومينالى 20 000 تەڭگەلٸك مەرەيتويلىق بانكنوتتاردى اينالىمنان الۋ جوسپارلانىپ وتىرعان جوق. ولار بارلىق باسقا ەستەلٸك بانكنوت سيياقتى تٶلەمدەردٸڭ, بانك وپەراتسييالارىنىڭ جەنە اۋدارىمداردىڭ بارلىق تٷرٸ بويىنشا قابىلدانادى", - دەپ مەلٸمدەدٸ ۇلتتىق بانك ٶكٸلدەرٸ.
ۇلتتىق بانك ٶكٸلدەرٸ "20 مىڭ تەڭگەلٸك بانكنوتتىڭ جاڭا ٷلگٸسٸ ەزٸرلەنە مە" دەگەن سۇراققا پٸكٸر بٸلدٸردٸ.
"ۇلتتىق بانك ۇلتتىق ۆاليۋتانىڭ جالعىز ەميتەنتٸ بولا وتىرىپ, بانكنوتتار مەن مونەتالار نومينالدارىنىڭ قۇرىلىمىن ايقىندايدى, سونداي-اق, اينالىستاعى بانكنوتتاردىڭ تيٸستٸ ساپاسىن قامتاماسىز ەتەدٸ. جاڭا تەحنولوگييالار دامىعان سايىن پوپۋلياتسييانى اجىراتۋ قيىن بولاتىن جالعان اقشا بەلگٸلەرٸنٸڭ پايدا بولۋ ىقتيمالدىعى ارتادى.
وسىعان بايلانىستى ۇلتتىق بانك ۇلتتىق ۆاليۋتانىڭ اقشا بەلگٸلەرٸنٸڭ قورعانىش قاسيەتتەرٸن كٷشەيتۋ بويىنشا تۇراقتى جۇمىس جٷرگٸزەدٸ جەنە قولدان جاساۋدان بارىنشا قورعالعان بانكنوتتاردى شىعارادى. شىعارۋعا بەكٸتٸلگەن بانكنوتتار مەن مونەتالاردىڭ نەگٸزگٸ سيپاتتامالارى مەن ديزاينى تۋرالى اقپارات ۇلتتىق بانكتٸڭ رەسمي سايتىندا جارييالانادى", - دەپ تولىقتىردى ۆەدومستۆو ٶكٸلدەرٸ.
سونداي-اق, بانك ٶكٸلدەرٸ مۇنداي بانكنوتتاردى قابىلداۋدان باس تارتقان جاعدايدا ەكٸمشٸلٸك قۇقىق بۇزۋشىلىق تۋرالى كودەكستٸڭ 206-بابىنا سەيكەس ەكٸمشٸلٸك جاۋاپكەرشٸلٸك كٶزدەلەتٸنٸن ايتتى.
