قازاقستان پرەزيدەنتٸ بٸرٸككەن اراب ەمٸرلٸكتەرٸنٸڭ ۆيتسە-پرەزيدەنتٸ, پرەمەر-مينيسترٸ, دۋباي ەمٸرلٸگٸنٸڭ بيلەۋشٸسٸ, شەيح مۇحاممەد بەن راشيد ەل ماكتۋممەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
كەلٸسسٶز بارىسىندا تاراپتار ەكٸ ەل اراسىنداعى ىنتىماقتاستىقتىڭ قازٸرگٸ احۋالى مەن ونى بۇدان ەرٸ دامىتۋ جايىن تالقىلادى. اتاپ ايتقاندا, ساۋدا-ەكونوميكا, قارجى جەنە ينۆەستيتسييا سالالارىنداعى ٶزارا ٸس-قيمىل مەسەلەلەرٸ قارالدى.
مەملەكەت باسشىسى دۋباي حالىقارالىق قارجى ورتالىعى (DIFC) مەن دۋباي قالاسىنىڭ قارقىندى دامىپ كەلە جاتقانىن اتاپ ٶتتٸ.
نۇرسۇلتان نازارباەۆ قارجى ورتالىعىن تيٸمدٸ باسقارۋ تۇرعىسىنان بٸرٸككەن اراب ەمٸرلٸكتەرٸمەن تەجٸريبە الماسۋدىڭ ماڭىزدىلىعىنا, سونداي-اق DIFC پەن استانا حالىقارالىق قارجى ورتالىعى اراسىندا تىعىز قارىم-قاتىناس ورناتۋ قاجەتتٸگٸنە توقتالدى. دۋباي ەمٸرلٸگٸنٸڭ بيلەۋشٸسٸ بۇل باعىتتا ٸس-قيمىل ورناتۋعا تولىق دايىن ەكەنٸن جەتكٸزدٸ.
قازاقستان پرەزيدەنتٸ يسلامدىق قارجىلاندىرۋ ٸسٸن دامىتىپ, ونى ەنگٸزۋگە ايرىقشا ٷلەس قوسقانى ٷشٸن شەيحقا العىس بٸلدٸردٸ.
بۇدان بٶلەك, مەملەكەت باسشىسى «ەكسپو-2017» حالىقارالىق مامانداندىرىلعان كٶرمەسٸنە دايىندىقتىڭ اياقتالعانىن, كەيٸننەن كٶرمە نىساندارى استانا حالىقارالىق قارجى ورتالىعىنىڭ جۇمىسى ٷشٸن پايدالانىلاتىنىن ايتتى.
كەزدەسۋ سوڭىندا نۇرسۇلتان نازارباەۆ بٸرٸككەن اراب ەمٸرلٸكتەرٸنٸڭ پرەمەر-مينيسترٸن استاناداعى «ەكسپو-2017» كٶرمەسٸنٸڭ اشىلۋىنا شاقىردى.
