قازاقستان پرەزيدەنتٸ نۇرسۇلتان نازارباەۆ استانانىڭ 20 جىلدىعىن تٷرلٸ شارالارعا كٶپ شىعىندانباي, ٶز دەڭگەيٸندە اتاپ ٶتۋدٸ تاپسىردى. بۇل تۋرالى مەملەكەت باسشىسى استانادا ٶتٸپ جاتقان قازاقستان حالقى اسسامبلەياسىنىڭ XXVI سەسسيياسىندا ايتتى, دەپ حابارلايدى Sputnik قازاقستان تٸلشٸسٸ.
"بيىلعى جىلى بٸز استانانىڭ جيىرما جىلدىعىن اتاپ ٶتەمٸز. استانا – بۇل بٸرلٸك پەن كەلٸسٸمنٸڭ جالپىۇلتتىق ٷلگٸسٸ. شاعىن عانا اقمولا قالاسى بٷگٸندە حالقى بٸر ميلليوننان اساتىن استانا قالاسىنا اينالدى. تاياۋدا بٸز قالانىڭ ەرٸ قاراي دامۋىن قاراستىرىپ, 2020 جىلعا قاراي ەلوردانىڭ ەكٸ ميلليوندىق قالا بولاتىنىن انىقتادىق. بٸز ەلٸمٸزدە وسىنداي بٸرنەشە مەگاپوليس بولعانىن قالايمىز. ەگەر استانا حالقى ەكٸ ميلليونعا جەتسە, الماتىدا شامامەن ٷش ميلليون, شىمكەنتتە بٸر ميلليون بولادى", — دەدٸ نازارباەۆ.
پرەزيدەنتتٸڭ ايتۋىنشا, وسىنداي ٸرٸ قالالاردا عىلىم, مەدەنيەت, تەحنولوگييالار قارقىندى داميدى, ال بۇل ەلٸمٸز ٷشٸن ٶتە ماڭىزدى.
"ۋربانيزاتسييا جٷرٸپ جاتىر, ادامدار قالادا تۇرعىسى كەلەدٸ. استاناعا ەلٸمٸزدٸڭ تٷكپٸر-تٷكپٸرٸنەن تۇرعىندار كەلٸپ جاتىر. وسى جەردە جۇمىس, باسپانا, باقىتىن تاپتى", — دەگەن مەملەكەت باسشىسى ەلوردانىڭ مەرەيتويىن ٶز دەڭگەيٸندە, ارتىق شىعىنسىز تويلاۋدى تاپسىردى.
"استانا ەكٸمدٸگٸ مەدەنيەت مينيسترلٸگٸمەن بٸرلەسٸپ, بۇل كٷندٸ جالتاقتاماي, تٷرلٸ شارالارعا ارتىق شىعىندانباي, بايسالدى اتاپ ٶتۋدٸڭ باعدارلاماسىن ەزٸرلەۋ كەرەك", — دەپ تٷيدٸ سٶزٸن نازارباەۆ.
.jpeg)