ەلباسى نۇرسۇلتان نازارباەۆ اكادەميك سەرٸك قيراباەۆتى قابىلدادى, دەپ حابارلايدى "ۇلت اقپارات" اقوردا سايتىنا سٸلتەمە جاساپ.
قازاقستاننىڭ تۇڭعىش پرەزيدەنتٸ مەن بەلگٸلٸ ەدەبيەتتانۋشى-عالىم سەرٸك قيراباەۆ تٶل ەدەبيەتٸمٸزدٸڭ قازٸرگٸ جاعدايى مەن دامۋ پەرسپەكتيۆاسىن تالقىلادى. سونداي-اق, بٸلٸم جەنە عىلىم سالاسىنىڭ ٶزەكتٸ مەسەلەلەرٸنە توقتالدى.
ەڭگٸمەلەسۋ بارىسىندا سەرٸك قيراباەۆ نۇرسۇلتان نازارباەۆتىڭ ەل پرەزيدەنتٸ ٶكٸلەتتٸگٸن توقتاتۋ تۋرالى ماڭىزدى شەشٸم قابىلداعانىن اتاپ ٶتٸپ, ونىڭ الداعى قىزمەتٸنە تابىس تٸلەدٸ.
سونداي-اق, قازاقستاننىڭ تۇڭعىش پرەزيدەنتٸ اكادەميك ۋەليحان قاليجاندى قابىلدادى.
كەزدەسۋ بارىسىندا ۋەليحان قاليجان نۇرسۇلتان نازارباەۆقا م.و.ەۋەزوۆ اتىنداعى ەدەبيەت جەنە ٶنەر ينستيتۋتىنىڭ قازٸرگٸ عىلىمي-زەرتتەۋ جۇمىستارى جٶنٸندە مەلٸمدەدٸ.
ەلباسى اكادەميكتٸڭ تٶل ەدەبيەتٸمٸز بەن ٶنەرٸمٸزدٸ دامىتۋعا زور ەڭبەك سٸڭٸرگەنٸن اتاپ ٶتٸپ, قازاقستاندى ٶركەندەتۋ جولىنداعى تابىستى جۇمىسىنا العىس بٸلدٸردٸ.
