«Nur Otan» پارتيياسىنىڭ تٶراعاسى نۇرسۇلتان نازارباەۆ باۋىرجان بايبەكتٸ قابىلدادى. بۇل تۋرالى elbasy.kz سايتى حابارلادى.
كەزدەسۋدە جۋىردا ٶتكەن پرايمەريزدٸڭ نەتيجەلەرٸ تالقىلاندى.
پارتييا تٶراعاسى بٸرٸنشٸ ورىنباسارىنىڭ اقپاراتىنا سەيكەس, پارتييا مٷشەلەرٸنٸڭ 84,2 پايىزى داۋىس بەرۋگە قاتىستى. ونىڭ 88 پايىزى ونلاين رەجيمٸندە داۋىس بەردٸ. تٸركەلگەن 10073 كانديداتتىڭ 36 پايىزدان استامى ەيەلدەر, ال 29 پايىزى 35 جاسقا دەيٸنگٸ جاستار. ٸشكٸ پارتييالىق ٸرٸكتەۋ نەتيجەسٸندە 20 مىڭنان استام ۇسىنىس جينالدى. ونىڭ ٸشٸندە تۇرعىن ٷي قاتىناستارى مەن تۇرعىن ٷي-كوممۋنالدىق شارۋاشىلىعى, ينفراقۇرىلىم مەن كٶلٸك, بٸلٸم بەرۋ مەن دەنساۋلىق ساقتاۋ سالالارىنا قاتىستى ۇسىنىستار بار.
نۇرسۇلتان نازارباەۆ پرايمەريز ساباقتاستىقتى ساقتاي وتىرىپ, پارتييا قاتارىن جاڭارتۋعا مٷمكٸندٸك بەرگەن ناعىز ەلەۋمەتتٸك ليفتكە اينالعانىن اتاپ ٶتتٸ.
«بۇل بٸراز ادام قاتىسقان پارتييانىڭ اۋقىمدى ٸس-شاراسىنا اينالدى. بٸز ونى العاش رەت ٶتكٸزٸپ وتىرمىز. پارتييا نازار اۋدارۋعا تيٸس كٶپتەگەن ۇسىنىس پەن مەسەلە كٶتەرٸلدٸ. «Nur Otan» – ناقتى ٸستەر پارتيياسى. بٸز قابىلداعان باعدارلامالار مٸندەتتٸ تٷردە ورىندالۋى كەرەك», – دەدٸ ەلباسى.
سونىمەن قاتار قازاقستاننىڭ تۇڭعىش پرەزيدەنتٸ پارتييانىڭ سايلاۋالدى باعدارلاماسىنىڭ جوباسىنا جەكە توقتالدى.
«ساياسي كەڭەستٸڭ بيۋروسىندا رەسپۋبليكالىق سايلاۋالدى باعدارلامانىڭ جوباسىن تالقىلاعان ەدٸك. قازٸرگٸ كٷردەلٸ احۋال ەسكەرٸلە وتىرىپ, باعدارلامادا بٸزدٸڭ ماقساتتار بەن اۋقىمدى مٸندەتتەر بەكٸتٸلدٸ. بۇل جۇمىسقا پارتييانىڭ بارلىق مٷشەلەرٸ جۇمىلدىرىلادى. سەبەبٸ, مۇنىڭ بەرٸ حالىقتىڭ ەل-اۋقاتىن جاقسارتۋعا باعىتتالىپ وتىر. بٸزدٸڭ سايلاۋ الدىنداعى ۋەدەلەرٸمٸزدٸڭ بەرٸن ورىنداۋ ٷشٸن جان-جاقتى قامدانۋ كەرەك», – دەدٸ پارتييا تٶراعاسى.
كەزدەسۋ بارىسىندا ەلباسى پارتيياعا «Birgemiz» قورىمەن بٸرلەسٸپ, بٷكٸل ەل بويىنشا تاعى 100 مىڭ ەلەۋمەتتٸك از قامتىلعان وتباسىعا 50 مىڭ تەڭگە كٶلەمٸندە قوسىمشا تٶلەمدەر ۇيىمداستىرۋدى تاپسىردى.
– پارتييانىڭ ورتالىق اپپاراتى مەن بٸزدٸڭ اكتيۆ اۋقىمدى جۇمىس ٸستەدٸ. مەن ولارعا قاجىرلى ەڭبەگٸ ٷشٸن العىسىمدى بٸلدٸرەمٸن. الدا ەلٸ اتقاراتىن شارۋا كٶپ. ەل يگٸلٸگٸنە باعىتتالعان جۇمىستى جالعاستىرۋىمىز كەرەك, – دەدٸ قازاقستاننىڭ تۇڭعىش پرەزيدەنتٸ.
