قازاقستان مۇسىلماندارى دٸني باسقارماسى تٶراعاسىنىڭ بٸرٸنشٸ ورىنباسارى, نايب مٷفتي ناۋرىزباي ٶتپەنوۆ قاجىلىققا جاعدايى بار مۇسىلماندار بارا الاتىنىن ايتتى, دەپ حابارلايدى Sputnik قازاقستان.
اقپارات جەنە قوعامدىق دامۋ مينيسترلٸگٸ دٸن ٸستەرٸ كوميتەتٸنٸڭ تٶراعاسى ەرجان نٶكەجانوۆ بيىل قاجىلىققا 3200 قازاقستاندىق باراتىنىن حابارلادى.
"بيىل قاجىلىق ماۋسىمى 30 شٸلدەدەن باستالادى. 30 شٸلدە كٷنٸ قاجىلىققا نيەت تانىتقان ازاماتتار شىمكەنت پەن اقتاۋ قالالارىنان ساۋد ارابيياسىنا اتتانادى. قاجىلىققا ساۋد ارابيياسى كورولدٸگٸ تاراپىنان بٸزگە 3200 ازاماتقا كۆوتا بەرٸلدٸ. قازاقستاندىقتاردى FlyNas جەنە Scat ەۋەكومپانيياسى تاسىمالدايدى", - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگتە.
سونداي-اق, ول قاجىلىققا باراتىن ادامدارعا تٷسٸندٸرمە جۇمىستارى جٷرگٸزٸلٸپ جاتقانىن اتاپ ٶتتٸ. قازاقستان مۇسىلماندارى دٸني باسقارماسى تٶراعاسىنىڭ بٸرٸنشٸ ورىنباسارى, نايب مٷفتي ناۋرىزباي ٶتپەنوۆ ارنايى ميسسييا قۇرىلعانىن ايتتى.
"قاجىلىققا باراتىن 3200 ادام ٷشٸن قازاقستان مۇسىلماندارى دٸني باسقارماسى تاراپىنان ارنايى ميسسييا قۇرىلدى. وندا بٸزدٸڭ باسقارمانىڭ باسشىلىق قۇرامى, بٸلٸكتٸ يمامدار, دەرٸگەرلەر, باق ٶكٸلدەرٸ بار. 500-گە جۋىق مەشٸتتە قاجىلىققا باراتىندارعا ارنايى سەمينارلار ۇيىمداستىرىلىپ, تٷسٸندٸرمە جۇمىستارى جٷرگٸزٸلدٸ", - دەيدٸ نايب مٷفتي.
ونىڭ ايتۋىنشا, قاجىلىق ميسسيياسىنىڭ تٶراعاسى باس مٷفتيدٸڭ ورىنباسارى الاۋ ەدٸلباەۆ.
سونداي-اق, ناۋرىزباي ٶتپەنوۆ قاجىلىققا كٸمدەر بارا الاتىنىن, ەرٸ ول ٷشٸن قارىز الۋدىڭ قاجەتٸ جوق ەكەنٸن جەتكٸزدٸ. سەبەبٸ, شاريعاتتا وعان رۇقسات ەتٸلمەگەن.
"كەز كەلگەن مۇسىلمان قاجىلىققا بارعىسى كەلەدٸ. ونى ارماندايدى. قاجىلىق كٸمگە پارىز ەكەنٸن الدىن الا بٸلٸپ العانىمىز جٶن. اللا تاعالا قاسيەتتٸ قۇراندا "كٸمنٸڭ جاعدايى كەلسە, سول ادام ٶمٸرٸندە بٸر رەت قاجىلىق جاساسىن" دەگەن. ياعني جاعدايى بار مۇسىلمان ٶمٸرٸندە بٸر رەت قاجىلىققا بارۋى پارىز. ەرينە, ودان كەيٸن دە بارۋعا بولادى. كەيبٸر كەزدەرٸ ادامدار قاجىلىققا بارۋ ٷشٸن بٸر-بٸرٸنەن قارىز نەمەسە كٶمەك سۇرايدى. شاريعات مۇنى قولدامايدى. قاجىلىق – قۇلشىلىق. ول دەمالاتىن ورىن ەمەس. سونداي-اق, قاجىلىققا بارۋ - بۇل بٸر دەرەجەگە كٶتەرٸلەتٸن مانساپ ەمەس. مۇنى بٸلگەن جٶن", - دەدٸ ول.
سٶز سوڭىندا نايب مٷفتي قاجىلىققا كٶبٸنەسە تٷركٸستان وبلىسىنىڭ تۇرعىندارى باراتىنىن ايتتى. قاجىلىققا, نەگٸزٸنەن 30-50 جاس ارالىعىنداعى قازاقستاندىقتار اتتانادى ەكەن.
