© "قازاقستان تەمٸر جولى" ۇك" اق
ناۋرىز مەيرامىندا 450-دەن استام تۋريست "Jibek Joly" جەنە "Keruen Express" پويىزدارىمەن ساياحاتقا شىقتى, دەپ حابارلادى "قازاقستان تەمٸر جولى" ۇك" اق باسپاسٶز قىزمەتٸ.
ناۋرىز مەيرامىندا 450-دەن استام جولاۋشى "Jibek Joly" جەنە "Keruen Express" تۋريستٸك پويىزدارىمەن ساياحاتقا شىقتى. ۇلتتىق تاسىمالداۋشى ٸسكە قوسقان بۇل باعىتتار قازاقستان مەن ٶزبەكستاننىڭ تاريحي ورىندارىن ارالاپ, ناۋرىز مەرەكەسٸنٸڭ ەرەكشە كٶكتەمگٸ اتموسفەراسىن سەزٸنۋگە مٷمكٸندٸك بەرەدٸ.
"Jibek Joly" تۋريستٸك پويىزى الماتىدان جولعا شىعىپ, "الماتى – تٷركٸستان – تاشكەنت – سامارقاند – تاراز – الماتى" باعىتى بويىنشا قوزعالادى. ساپار ۇزاقتىعى – 6 كٷن, 2025 جىلعى 20-25 ناۋرىز ارالىعىندا ٶتەدٸ. "Keruen Express" پويىزى دا الماتىدان شىعىپ, "الماتى – تٷركٸستان – تاشكەنت – سامارقاند – الماتى" باعىتىمەن جٷرەدٸ, بۇل ساپار 5 كٷنگە سوزىلادى: 2025 جىلدىڭ 21-25 ناۋرىز ارالىعى.
تۋريستٸك پويىزدار زاماناۋي ەرٸ جايلى وتاندىق ٶندٸرٸستەگٸ ۆاگونداردان جاساقتالعان. ينتەرەرٸ ۇلتتىق ناقىشتاعى دەستٷرلٸ ويۋ-ٶرنەك ەلەمەنتتەرٸمەن بەزەندٸرٸلگەن.
پويىز مارشرۋتتارى قازاقستان مەن ٶزبەكستاننىڭ ەڭ ٸرٸ مەدەني جەنە تاريحي ورتالىقتارىن قامتيدى. تٷركٸستاندا جولاۋشىلار يۋنەسكو تٸزٸمٸنە ەنگەن قوجا احمەت ياساۋي كەسەنەسٸنە جەنە ۇلى جٸبەك جولىنىڭ اتموسفەراسىن بەينەلەيتٸن تاريحي كەرۋەن سارايىنا بارا الادى. تاشكەنتتە تۋريستەر حازراتي يمام كەشەنٸن, باراق حان مەدرەسەسٸن, ابۋ باكر كاففالي شاشي مەن تٶلە بي كەسەنەلەرٸن ارالاپ, "Magic City" ويىن-ساۋىق ورتالىعىندا ۋاقىت ٶتكٸزە الادى.
سامارقاند ساپاردىڭ ماڭىزدى بٶلٸگٸ بولىپ تابىلادى. مۇندا جولاۋشىلار شاحي-زيندا كەسەنەلەر كەشەنٸن, گۋر-ەمير كەسەنەسٸن, سونداي-اق رەگيستان الاڭىن تاماشالايدى. بۇل الاڭدا ەيگٸلٸ شەر-دور, تيلليا-كاري جەنە ۇلىقبەك مەدرەسەلەرٸ ورنالاسقان. "Jibek Joly" پويىزىنىڭ سوڭعى ايالداماسى – تاراز قالاسى, قازاقستاننىڭ ەڭ كٶنە قالالارىنىڭ بٸرٸ, تاريحي جەنە سەۋلەت ەسكەرتكٸشتەرٸمەن تانىمال مەكەن.
