سۇلتان سەرسەمەليەۆكە قاتىستى سوت وتىرىسىندا مارقۇمداردىڭ تۋىستارى ولاردىڭ جوعالىپ كەتكەننەن كەيٸن WhatsApp-تا بٶتەن اداممەن حات جازىسىپ جٷرگەندەرٸن قالاي اڭعارعاندارىن ايتىپ بەردٸ , دەپ حابارلايدى ult.kz.
اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا جانگەلدين اۋىلىنداعى وتباسىنىڭ ٶلٸمٸنە قاتىستى ٸس بويىنشا كۋەگەرلەردەن جاۋاپ الۋ جالعاسىپ جاتىر.
مارقۇم ماقسوت قاراباليننٸڭ نەمەرە قارىنداسى پاريزات كەنجەعاليەۆا بىلتىر 12 قاراشادا اعاسىنىڭ مالى مەن مٷلكٸ ساتىلىپ جاتقانىن ەستٸپ, ٷيٸنە بارعانىن ايتتى. ونىڭ سٶزٸنشە, سول كەزدە اۋلادا مال تيەپ جٷرگەن ادامداردى كٶرٸپ, ساتىلىمدى توقتاتۋعا تىرىسقان.
كۋەگەر بۇل جاعداي تۋرالى ناۋرىز مۇقانعاليەۆتٸڭ WhatsApp نٶمٸرٸ ارقىلى بٸلگەنٸن, الايدا ول كەزدە حابارلامالاردى باسقا ادام جازىپ وتىرعانىنان كٷمەندانباعانىن جەتكٸزدٸ.
ول ٷي يەلەرٸ جوق كەزدە مٷلٸكتٸ ساتۋعا ٷزٸلدٸ-كەسٸلدٸ قارسى بولعانىن ايتتى. كەيٸن بٸرنەشە رەت ۆيدەوقوڭىراۋ شالۋعا ەرەكەتتەنگەنٸمەن, ەشكٸم جاۋاپ بەرمەگەن.
سوتتا كۋەگەر ەموتسيياسىن جاسىرا الماي, ايىپتالۋشىعا قاراپ: “ول ٶلگەن ادامدى تٸرٸلتكەندەي ەرەكەت جاساعان”, – دەدٸ.
كەيٸن ول سەرسەمەليەۆكە: “ولاردىڭ كٸنەسٸ نە ەدٸ? باسىڭدى كٶتەر!” – دەپ ٷن قاتتى.
سۋديا ەسكەرتۋ جاساعاننان كەيٸن پاريزات كەنجەعاليەۆا مارقۇمداردىڭ ەشكٸمگە قارىزى بولماعانىن, ٶز ەڭبەگٸمەن كٷن كٶرگەنٸن ايتتى. وسى سەتتە ول كٶزٸنە جاس الدى.
سوتتا كەيٸن مارقۇم ماقسوت قاراباليننٸڭ نەمەرە ٸنٸسٸ شالقار مۇقانعاليەۆتەن جاۋاپ الىندى.
ونىڭ ايتۋىنشا, تۋىستارى جوعالعاننان كەيٸن ول ناۋرىز مۇقانعاليەۆكە بٸرنەشە رەت حابارلاسقان. بٸر جولى WhatsApp ارقىلى “قيىندىقتار بولىپ جاتىر, انام اۋىرىپ قالدى” دەگەن جاۋاپ كەلگەن.
الايدا ۋاقىت ٶتە كەلە حابارلامالار كٷدٸك تۋدىرا باستاعان.
“ناۋرىز ەدەتتە قاتە جازاتىن. ال بۇل حاتتاردىڭ جازىلۋ مەنەرٸ مٷلدە باسقا بولدى”, – دەدٸ كۋەگەر سوتتا.
شالقار مۇقانعاليەۆ تە ايىپتالۋشىعا قاراتا سٶز سٶيلەپ, ەگەر ادام شىن ٶكٸنسە, اللا كەشٸرەتٸنٸن, بٸراق بۇل وقيعا كٶپتەگەن وتباسىعا ورنى تولماس قايعى ەكەلگەنٸن ايتتى.
ول ناۋرىزبەن بٸرگە ٶسكەنٸن, ونىڭ ەشقاشان جانجالقوي بولماعانىن جەتكٸزدٸ. سونداي-اق اقباياننىڭ تۋىستارى قىسىم كٶرسەتتٸ دەگەن نۇسقاعا سەنبەيتٸنٸن ايتىپ, مارقۇمداردى كٸنەلاماۋدى سۇرادى.
سوت بارىسىندا جاڭا دەرەكتەر دە جارييا بولدى. تەرگەۋ مەلٸمەتٸنشە, مارقۇمداردىڭ دەنەسٸ تابىلعان قورا ماڭىنان قان ٸزٸ بار بالتا تابىلعان. بٸراق ساراپتاما نەتيجەسٸ ونداعى قان مارقۇمدارعا تيەسٸلٸ ەمەس ەكەنٸن كٶرسەتكەن.
سونىمەن قاتار قىلمىستان بٸراز ۋاقىت ٶتكەن سوڭ ٷيدٸڭ كٸرەبەرٸسٸندەگٸ كٸلەمشەنٸڭ استىنان قوسالقى كٸلت تابىلعانى بەلگٸلٸ بولدى. ونىڭ كٸمگە تيەسٸلٸ ەكەنٸ جەنە قاشان قالدىرىلعانى ەزٸرگە انىقتالماعان.
بۇل جايتتار الداعى سوت وتىرىستارىندا قوسىمشا زەرتتەلمەك.
