ناتو ۋكرايناعا ەسكەرٸ مەن ەسكەري ۇشاقتارىن جٸبەرمەيدٸ. 4 ناۋرىزدا بريۋسسەلدە ناتو ەلدەرٸنٸڭ سىرتقى ٸستەر مينيسترلەرٸنٸڭ جيىنىندا ۇيىمنىڭ باس حاتشىسى يەنس ستولتەنبەرگ وسىلاي دەپ مەلٸمدەدٸ.
ول سولتٷستٸكاتلانتيكالىق وداق رەسەيمەن سوعىسقا ۇمتىلمايدى, ەگەر ول ۋكرايناداعى سوعىسقا تٸكەلەي ارالاسسا, سونداي قاۋٸپ تۋىنداۋى مٷمكٸن دەپ مەلٸمدەدٸ.
ناتو باس حاتشىسى بۇعان قوسا, رەسەيدٸ ۋكراينادان ەسكەرٸن شىعارىپ, كەلٸسسٶز باستاۋعا ٷندەدٸ. ەگەر رەسەي قاقتىعىس اۋماعىن كەڭەيتٸپ, ۋكراينادان تىس اۋماق جەردە سوعىسۋعا تىرىسسا, ۇيىم ٶزٸن-ٶزٸ قورعايدى دەدٸ.
ستولتەنبەرگ كەزدەسۋ كەزٸندە كيەۆتٸڭ ۋكراينادا "ۇشپايتىن ايماق قالىپتاستىرۋ" (ياعني, ۋكراينانىڭ ەۋە كەڭٸستٸگٸندەگٸ رەسەيلٸك ۇشاقتار مەن زىمىرانداردىڭ بارلىعىن اتىپ تٷسٸرۋ) تۋرالى ۇسىنىسى تالقىلانعانىن راستادى. الايدا ناتو ەلدەرٸ قاقتىعىس ۋشىعىپ كەتپەس ٷشٸن مۇنداي ۇسىنىستان باس تارتقان.
ستولتەنبەرگ الداعى كٷندەرٸ ۋكراينادا جاعداي ودان دا ۋشىعۋى مٷمكٸن دەپ بولجايدى: ادام شىعىنى كٶبەيەدٸ, كٶپ نىساندار قيرايدى.
ناتو ەلدەرٸنٸڭ باسىم بٶلٸگٸ ۋكرايناعا قارۋ-جاراق تاسىمالدايدى. ەۋرووداق ۋكرايناعا قارۋ-جاراق جەتكٸزۋ ٷشٸن ٸرٸ كٶلەمدە قارجى بٶلدٸ. بٸرقاتار ەلدەر ازاماتتارىنا ۋكرايناداعى شەتەل لەگيونى قۇرامىندا رەسەيگە قارسى سوعىسۋعا رۇقسات بەردٸ.
رەسەي ۋكرايناعا 24 اقپاننان باستاپ باسىپ كٸرە باستاعان. رەسەي پرەزيدەنتٸ ۆلاديمير پۋتين ٶزگە مەسەلەلەرمەن قاتار ناتو ۋكراينانى رەسەيگە قارسى قورعانىس شەبٸ جاساماقشى بولعانىن ايتقان. ال مەملەكەتتٸك دۋما جەتەكشٸسٸ ۆياچەسلاۆ ۆولودين رەسەي ەسكەرتٸپ سوققى بەردٸ دەسە, ۋكراينا مەن ناتو مۇنى تەرٸستەيدٸ.
